Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
POLITIKE
Rama mbledh grupin e PS të premten. Ja çfarë do të diskutohet
PiranjatPërditësimi i fundit 14 Janar 2026, 22:14
Kryeministri Edi Rama do të mbledhë këtë të premte Grupin Parlamentar të Partisë Socialiste, në orën 10:00, në Pallatin e Brigadave.
Mbledhja do të hapet me fjalën e kryeministrit dhe do të vijojë me kryetarin e Kuvendit, Niko Peleshi, ndërsa më pas do të flasë kreu i grupit parlamentar Taulant Balla.
Takimi vjen ndërkohë që më 22 janar Gjykata Kushtetuese do të mbajë seancën e parashikuar për të shqyrtuar kërkesën e kryeministrit Edi Rama për pezullimin e masës ndaj Belinda Ballukut dhe më 28 janarit, kur Kuvendi do të shqyrtojë kërkesën e SPAK për heqjen e imunitetit dhe autorizimin për arrestimin e zëvendëskryeministres.
Rama ka bërë të qartë publikisht se PS nuk do të japë miratim për arrestimin e Ballukut, duke e akuzuar SPAK-un për tejkalim kompetencash.
Lëvizja duket si një deja vu, pasi edhe herën e parë kur Këshilli për Mandatet shqyrtoi çështjen e imunitetit të Ballukut, Rama mblodhi qeverinë.
Belinda Balluku, akuzohet për paracaktim të fituesve në tenderin e ndërtimit të Tunelit të Llogarasë, si edhe për shkelje në procedurat e lidhura me dosjen e Unazës së Madhe.
Më 31 tetor, SPAK e mori zyrtarisht të pandehur, ndërsa i ka kërkuar Kuvendit heqjen e imunitetit dhe autorizimin për arrestimin e saj.
