Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Rama në darkën e fundvitit me trupin diplomatik: Shqipëria nuk njeh plan B, vetëm atë të anëtarësimit në BE
r.llPërditësimi i fundit 24 Dhjetor 2024, 18:58
edi rama
KAVAJË- Kryeministri Edi Rama ka mbajtur fjalën e tij në darkën tradicionale të fundvitit me Trupin Diplomatik të akredituar në Shqipëri. Teksa tha se po i qasemi një viti të ri zgjedhor, u shpreh se e kishte një ide se kush do t’i fitojë zgjedhjet e ardhshme. Ndërkohë gjithashtu deklaroi se shqiptarët do të vendosin që të qëndrojnë në krah të vlerave dhe parimeve euroatlantike.
Ai tha se Shqipëria nuk ka plan B, por ka vetëm planin e anëtarësimit në Bashkimin Evropian. Më tej u shpreh se brenda kësaj dekade do të punohet fort që kjo të bëhet realitet.
“Gjithnjë, në këto raste, ndihe, pakza i pezmatuar kur shoh mungesën e fytyrave të njohura, miq të këtij vendi, të cilëve iu është dashur të fluturojnë drejt destinacioneve të tjera. E di që të gjithë ata i merr malli për Shqipërinë dhe kohën aspak monotone që kanë kaluar këtu. U përcjell urimet e mia më të përzemërta, dhe kërkoj që kur të keni mundësinë, t'jua thoni që keni respektin dhe mirënjohje tonë të përhershme. Ndërkohë iu uroj mirëseardhje të ngrohtë të rinjve që vijnë në këtë tryezë. Jam i bindur se tani ndihen si në shtëpi.
Ndërsa i qasemi një viti të ri zgjedhor, jam i sigurt që pyetjet që vijnë për zgjedhjet e përgjithshme që po vijnë, do të zënë shpejt vend në shkresart e raportet tuaja. Besoj, kam një ide mjaft të mirë se kush do të dalë fitues, por përtej shakave, mund tju siguroj se se pavarësisht se për kë palë politike do të votojnë shqiptarët ata që të gjithë do të vendosin tu qëndrojnë vlerave dhe parimeve të komunitetit euroatlantik. të nxisin arritjen e objektivit historik për tu bërë anëtarë të mirë e krenarë të familjes së bashkuar evropiane, të mbështetin liritë individuale. shtetin e së drejtës dhe demokracinë. Këto janë zotime të panegociueshme që shkojnë përtej moshës, gjinisë krahinës apo bindjes politike të shqiptarëve. Shqipëria nuk njeh plan B, por ka vetëm një plan të padevijueshëm e të padiskutueshëm, atë për tu anëtarësuar në BE
Brenda kësaj dekade, do të japim gjithçka kemi, që kjo të bëhet realitet. Sidoqoftë, është afërmendsh që duam të jemi miq, miq të mirë e besnikë, me të gjithë të tjerët rreth kësaj tryeze, të cilët jetojnë, punojnë e rrisin mirëqenien matanë kufijve të Europës demokratike, si për shembull vendet vëllazërore të Gjirit, sistemi politik i të cilave është ndryshe nga i yni, por me të cilat kemi një lidhje të fortë dhe shpresoj e lutem që të bëhet edhe më e fortë”, tha Rama.
