Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
Rama “përjetësisht” deri në 2050/ Kryeministri ridizajnon demokracinë, rotacioni është vetëm një përrallë
PiranjatPërditësimi i fundit 11 Shtator 2025, 12:26
Kryeministri Edi Rama është duke prezantuar nga mbledhja e Asamblesë Kombëtare të PS-së programin e mandatit të ri, por jo vetëm edhe ndryshimet që ai ka si qëllim të bëjë në Kuvendin e Shqipërisë.
Si fillim Edi Rama e nisi fjalën e tij me një lajm shumë të rëndësishëm, propozimin e Ogerta Manastirliut si kryetaren e Bashkisë së Tiranës.
Më tej, Asambleja e PS-së, Rama tha se duhet të ulet numri i deputetëve nga 140 në 101 sepse sipas tij janë shumë dhe të tepërt.
Në fjalën e tij, kreu i PS-së deklaroi se nga 11 komisione parlamentare, 7 prej tyre do të drejtohen nga mazhoranca.
Më tej, Rama nuk denjoi të shprehej se nëse opozitës apo dikujt në sallën ku po mbahet Asambleja e PS-së nuk i pëlqejnë propozimet që po bën, nuk ka problem, pasi sërish do të bëhet siç thotë ai.
Edi Rama është duke ridizejnuar “demokracinë” ose siç e thotë ai, pasi në programin e ri që po prezanton ai lë të kuptohet qartë se çdo pushtet është në dorën e tij.
Të mos lëmë pa përmendur gjyqësorin, me Ramën që urdhëron prokurorët e gjyqtarët të mos tolerojnë asnjë politikan (normalisht pa prekur të besuarit dhe të dashurit e kryeministrit).
E fundit, por jo më pak e rëndësishmja Rama deklaroi: “Na keni ne në krye të qeverisë deri në 2050”.
Me këto ndryshime, me këto pushtet që Rama ka “vjedhur” dhe me këto deklarata të bëra nga ana e tij është mëse e qartë që rotacioni në vendin tonë mbetet vetëm një ëndërr apo një përrallë.
