Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
“Rama plan kundër gazetarëve në oborrin e Parlamentit”, deputetja Zhupa: Po gatuhet në zyrat e Kuvendit
PiranjatPërditësimi i fundit 17 Shtator 2025, 13:02
Deputetja e Partisë Demokratike, Ina Zhupa denoncoi planin sipas të cilit kryeministri Edi Rama ka urdhëruar që të mos lejohen gazetarët në oborrin ku zhvillohen seancat plenare. Zhupa thotë se plani po gatuhet në zyrat e Kuvendit.
REAGIMI I PLOTË:
Pas porosisë së Ramës “kujdes nga gazetarët” vjen plani për mos lejuar gazetarët në sallën dhe në oborrin ku zhvillohen seancat plenare. Një kufizim i lirisë së medias, një monopolizim me rregji i ngjarjeve brenda kuvendit nën kontrollin e mazhorancës është i dëmshëm për demokracinë.
Ky plan që po gatuhet në zyrat e Kuvendit minon edhe të drejtën e qytetarëve për t'u informuar mbi aktivitetin e deputetëve që ata kanë votuar. Gazetarët kanë gjithë të drejtën të pyesin deputetët dhe të rregjistrojnë në mënyrë të pavarur aktivitetin e seancës publike parlamentare.
Në republikën e censurës të Ramës, çdo hapësirë lirie për gazetarët dhe për deputetët duhet shuar! Çdo mase e tillë këtyre të drejtave është represive dhe e prapanueshme. Dhe ne do bëjmë gjithçka për mos e lejuar, kur liria e medias është në prioritetet e Bashkimit Europian dhe pjesë e clusterit të parë.
