Futbollisti i famshëm, Kylian Mbappe, ka thyer heshtjen në një intervistë të bujshme të dhënë këtë javë...
POLITIKE
Rama reagon sërish për rrogat e gjyqtarëve: Vetëm qeveria ka të drejtë për pagat
PiranjatPërditësimi i fundit 14 Shtator 2026, 19:31
Kryeministri Edi Rama ka reaguar sërish lidhur me pagat e gjyqtarëve. Përmes një postimi në rrjetet sociale, kreu i qeverisë e ka bërë të qartë që askush nuk e zëvendëson dot Parlamentin dhe as nuk urdhëron dot legjislativin.
Ndër të tjera ai ka theksuar se politika e pagave propozohet nga qeveria, miratohet nga Parlamenti dhe zbatohet po nga qeveria, ndërkohë që Kushtetuesja ndërhyn vetëm kur cënohet një parim apo normë kushtetuese.
Ai shprehet gjithashtu se çdo përpjekje për të imponuar rritjen e pagave përmes mjeteve politike apo juridike do të përbënte një sfidë të re për shtetin, duke nënvizuar se dialogu mes pushteteve të pavarura mbetet i nevojshëm.
“Nëse largqoftë, shoqatat e prokurorëve e të gjykatësve kanë vendosur që me mjete politike dhe juridike të koordinuara me zyrat e prokurorive e të gjykatave si një ushtri e rreshtuar kundër qeverisë, të na imponohen me kallzime, sigurime a përmbarime për të rritur pagat e tyre, atëherë jemi përpara një sfide të një lloji të ri, e cila nuk na tremb po na shqetëson pamasë. Por ne nuk duam të jetë kështu dhe unë nuk dua ta lejoj që të ndodhë kështu, sepse ndryshe nga si e mendon ky gjykatësi mediatik, kjo e pagave stratosferike, për ne nuk është çështje inati po sfidë shtetbërjeje europiane e Shqipërisë”, shkruan Raama ndër të tjera.
Theksojmë se ku reagim i kreut të qeverisë ka ardhur vetëm pak orë pas kërkesave që Shoqata e Prokurorëve depozitoi në Kuvendin e Shqipërisë, përmes së cilës kishte rreshtuar pesë pika, ku ndër to ishte dhe respektimi i vendimit të Gjykatës Kushtetuese sa i përket rritjes së pagave të magjistratëve.
