Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
POLITIKE
Raporti i OSBE për zgjedhjet: Gara e pabarabartë, qeveria e Ramës përdori administratën dhe fali gjobat pak ditë para zgjedhjeve
PiranjatPërditësimi i fundit 23 Tetor 2025, 11:52
OSBE ka publikuar ditën e sotme raportin e plotë për zgjedhjet e 11 majit.
Ashtu siç dhe pritej, në raport theksohet qartë se Partia Socialiste përdori të gjitha resurset shtetërore në favor të saj për të fituar zgjedhjet.
Përdorimi administratës publike mbetet një nga problemet kryesore, duke e avantazhuar në mënyrë të padrejtë partinë në pushtet.
Partia në pushtet përfitoi nga përdorimi i gjerë i burimeve administrative gjatë fushatës, duke krijuar një avantazh të padrejtë për kandidatët që ishin ndërkohë në detyrë. Gjithashtu, pati shumë akuza për presion ndaj votuesve, veçanërisht ndaj punonjësve të administratës publike. Për më tepër, legjislacioni zgjedhor dhe interpretimi i tij i ngushtë nga administrata zgjedhore nuk parandaluan praktikat abuzive. Përqendrimi i pronësisë së mediave, që minon pluralitetin e burimeve të lajmeve, së bashku me autocensurën mes gazetarëve dhe dominimin e mbulimit mediatik nga dy partitë më të mëdha, kufizuan mundësinë e zgjedhësve për të bërë një zgjedhje të informuar, shkruhet në raportin e OSBE.
Nuk lihet pa përmendur as fakti më flagrant i faljes së gjobave pak ditë para zgjedhjeve, një vendim ky që cënon rëndë garën e barabartë.
''Partia në pushtet përfitoi nga përdorimi i gjerë i burimeve shtetërore dhe kapaciteteve institucionale, duke përfshirë edhe bërjen publike vetëm pak kohë para ditës së zgjedhjeve të faljes së një numri të madh gjobash, dhe zyrtarët e lartë qeveritarë u angazhuan në një numër të madh aktivitetesh zyrtare që shpesh përkonin me mesazhet e fushatës, duke e bërë të paqartë vijën ndarëse mes shtetit dhe partisë.
Pati pretendime për presion ndaj nëpunësve të administratës publike, raste intimidimi të mbështetësve të opozitës, si dhe përdorim të rrjeteve të patronazhimit, çka bie ndesh me standardet ndërkombëtare. Çështje të tjera shqetësuese përfshijnë raportimet për shit-blerje votash, tentativat për të ndikuar pa të drejtë tek zgjedhësit e marxhinalizuar, si dhe pretendime për ndikim të elementëve kriminalë në disa parti politike'', thuhet në raport
Ndër të tjera vihen në dukje dhe problematika si shit-blerja e votës dhe ndikimini elementëve kriminalë në zgjedhje.
Pati pretendime për presion ndaj nëpunësve të administratës publike, raste intimidimi të mbështetësve të opozitës, si dhe përdorim të rrjeteve të patronazhimit, çka bie ndesh me standardet ndërkombëtare. Çështje të tjera shqetësuese përfshijnë raportimet për shit-blerje votash, tentativat për të ndikuar pa të drejtë tek zgjedhësit e marxhinalizuar, si dhe pretendime për ndikim të elementëve kriminalë në disa parti politike, shkruhet në raport ndër të tjera./Piranjat.News
