Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
POLITIKE
Berisha: Me këto rroga s’është çudi të shpërthejë morri dhe zgjebja
PiranjatPërditësimi i fundit 3 Shtator 2025, 13:44
Kreu i PD-së, Sali Berisha, denoncoi rrogën minimale në Shqipëri dhe çmimet stratosferike të produkteve bazë, në një konferencë për mediet.
Berisha vuri në dukje faktin se ndër të gjitha vendet evropiane, Shqipëria ka pagën minimale më të ulët, ndërkohë që çmimet janë në stratosferë.
Kryedemokrati akuzoi qeverinë se nuk ka rritur pagat minimale që nga viti 2023, duke theksuar se çmimet e produkteve të përditshme, si ilaçet për larje dhe djathi, janë dy deri tre herë më të shtrenjta se në vendet e tjera.
Sipas Berishës kjo situatë mund të shkaktojë pasoja serioze shëndetësore dhe higjienike për qytetarët, duke e krahasuar krizën me epideminë e zgjebës në vitin 1992.
Pjesë nga fjala e Sali Berishës:
Kjo tabelë, ky grafik, çfarë tregon?
Tregon se ndër të gjitha vendet evropiane, Shqipëria ka pagën minimale më të ulët.
Ndërkohë që Shqipëria ka pagën maksimale, asnjë njeri në Ballkan, asnjë president, asnjë kryeministër, asnjë gjykatës, asnjë prokuror nuk merr rrogën e Altin Troplinit.
Jo, nuk i merr 7 mijë euro.
Rroga 7 mijë euro nuk njihet në Ballkan.
Por ku është problemi tjetër?
Në qoftë se nga viti 2023 në vitin 2025, rroga minimale nuk janë rritur, thotë Eurostat- mos dëgjoni gënjeshtrat e edi Ramës dhe INSTAT-it të Edi Ramës- nuk janë rritur thotë, çmimet janë stratosferike.
Pyesni ju një amvisë, shkon dhe blen ilaçin për lavatriçe 35 euro pakon, në një kohë kur në Gjermani DASH shitet me 17-18 euro.
Shkoni blini djathin. Jo, pse mora këtë, ju garantoj se me këto çmime, do plasë morri në të katër anët e vendit. Dhe zgjebja.
Kush është ai që mund të lajë?
Kjo është një çmenduri mo.
Në qoftë se ti e shet ilaçin larës me 35 euro...
Domethënë, çfarë do hanë njerëzit nëse blejnë në këtë mënyrë.
Jo, nuk e dini ju këtë. Kthehemi në vitin 1992.
Shqipëria përjetoi epideminë e zgjebes në mbarë vendin.
Nuk mund ta blejë ai më. 35 euro për një DASH pluhur.
Shikoni djathin, e keni tre herë më shtrenjtë se në SHBA. E keni dy herë e gjysmë më shtrenjtë se në Greqi.
Po këto janë gjërat më elementare.
Pra, rroga minimale mbetet ajo, në një kohë kur të gjitha mjetet e higjienës, të gjitha produktet ushqimore rriten mbi mesataret e çmimeve në BE.
