Grupi politik Partia Demokratike Evropiane ka reaguar ndaj deklaratave të Edi Ramës në intervistën e tij për Financial Times, ku shau...
POLITIKE
Rrugët e reja shemben para se të thahet asfalti, Balluku krekoset me borëpastrueset e ARRSH-së
PiranjatPërditësimi i fundit 7 Janar 2026, 22:20
Teksa SPAK pret autorizimin e Kuvendit për ta arrestuar, zv.kryeministrja dhe ministrja e Infrastrukturës, Belinda Balluku, ka zgjedhur të flasë jo para prokurorëve, por para publikut të Instagramit. Me një sërë fotosh të reja nga terreni, Balluku u përpoq të sigurojë qytetarët se ARRSH është në gatishmëri maksimale përballë situatës së krijuar nga moti.
“Në terren, me kapacitete maksimale, për të garantuar qarkullimin pa problematika në të gjitha akset rrugore të vendit. Drejtori i ARRSH, Ami Kozeli inspektim në Qafë Thore”, shkruan ajo.
Por ndërsa ministrja tregon se si kontrollon rrugët e vendit përmes kamerës së telefonit, një nga veprat që ajo vetë inauguroi vetëm katër muaj më parë ka dalë jashtë funksioni. Aksi i Qukës–Qafë Plloçës u mbyll sot pas rrëshqitjeve të mëdha të dherave dhe inerteve, për të shmangur rrezikun e aksidenteve, pasi një automjet u përfshi paraditen e sotme në një ngjarje të rëndë për shkak të kushteve të rrugës.
Segmenti, i cili u përurua me ceremoni nga kryeministri Edi Rama dhe Balluku më 5 shtator, u prezantua si një arterie e rëndësishme kombëtare, pas 14 vitesh punime dhe 260 milionë eurosh të investuara.
