Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
POLITIKE
"Sa herë ta dëgjoni, kujtoni 1 Prillin"/ Berisha ironizon Ramën: Njeriu që flet me vete sot e ka ditën e tij!
m.lPërditësimi i fundit 1 Prill 2025, 12:25
DURRËS: Kryetari i Partisë Demokratike, Sali Berisha, gjatë takimit me punonjëset e një fasonerie në qytetin e Durrësit, ka ironizuar kryeministrin Rama. Ai tha se Rama është një njeri që bën monolog me veten duke pretenduar se po komunikon me qytetarët nëpërmjet facebook-ut. Berisha vazhdoi më tej duke thënë se ai çdo ditë ka 1 prill dhe sa herë ta dëgjoni atë kujtojeni këtë datë.
Berisha tha se populli nuk po i pranon më 'dokrrat' e tij dhe ai po vazhdon të bëjë premtime që nuk i ka mbajtur as vitet e kaluara të mandatit të tij. Berisha shtoi se Rama ka premtuar se do të rrisë pensionet deri në 400 euro duke shtruar pyetjen se pse se ka bërë në këto vite të mandatit të tij.
"Njeriu që del çdo mëngjes dhe flet me vetë në një monolog dhe thotë se po flas me qytetarët, asnjë prej tyre nuk është qytetar, i shpik vetë, sot e ka ditën e tij. Po problemi është se ai çdo ditë e ka 1 prill. Vetëm një gjë, sa herë ta dëgjoni, kujtoni 1 prillin se është dita e Edi Ramës. Prej 15 muajsh, dërguam në parlament minimumin jetik. Pavarësisht se po e votuan, qeveria do fitonte kredit, po le të fitonte. Një zonjë thoshte një ditë që kam 130 euro pension, 60 euro paguaj qiranë në ndërtesën sociale dhe mbetem me 70 euro. Çfarë mund të bëjë njeriu me 70 euro? Kështu që e dërguam atë në parlament. E kishte përllogaritur Avokati i Popullit dhe organizata ndërkombëtare e punës. E mbajti dhe nuk pranonte kurrsesi ta votonte.
Tani, që e sheh se populli nuk po i pranon dokrrat e tij me zhapikë, hardhuca me kafshë të ndryshme që jeton me to, atëherë deklaroi dje se po, do e bëj pensionin 400 euro në vitin 2030. Po pse nuk e bëre për 12 vite 400 euro, Mali i Zi e bëri për 12 vjet, Mali i Zi i kishte më të ulëta se ne, sot i ka 450 euro. Rumania e kishte më të ulët se ne rrogën minimale, sot e ka 4 herë më të lartë se ne. Sepse çdo qeveri, kur ndan buxhetin, mendon një pjesë qytetarëve, një pjesë rrugëve, një pjesë shkollave, një pjesë arsimit. Prandaj ne do bëjmë gjithçka për një Shqipëri Madhështore. Për ne, Shqipëria Madhështore është Shqipëria që prodhon, që punëson. Shqipëria e teknologjive të larta dhe unë jam e bindur se këtë program do e realizojmë," tha Berisha.
