Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Samiti i Komunitetit Politik Evropian/ 1500 forca policie në terren, grupet anti-eksploziv mbikqyrin rrugët, Garda dhe SHISH, vëzhgime në rrjetet sociale
M.B.Përditësimi i fundit 15 Maj 2025, 09:44
TIRANA- Ditën e nesërme mbahet Samitit të Komunitetit Politik Evropian në Tiranë dhe në kuadër të këtij aktiviteti 1500 punonjës policie nga të gjitha strukturat që përfshijnë Antiterrorin, policinë rrugore, të krimeve dhe rendit, por edhe të policisë bashkiake të Tiranës do të jenë në terren.
Mësohet se përgjatë perimetrit të sheshit “Skënderbej” rreth 600 efektivë policie do të ruajnë delegacionet e nivelit të lartë të lidërve evropianë. Në terren ndodhen edhe grupet anti-eksploziv që vëzhgojnë rrugët kryesore dhe kanë në mbikëqyrje gjithë perimetrin e sigurisë.
Gjithashtu mësohet se Garda dhe SHISH do të ketë agjentë të shumtë për të vëzhguar përveç terrenit edhe rrjetet sociale, nëse do ketë thirrje për destabilitet. Po ashtu në të gjitha pikat kufitare janë dërguar të gjitha fotot e personave që dyshohet se kanë prirje ekstremiste të mos lejohen të futen në vendin tonë.
Po ashtu bëhet me dije se në vendin tonë ndodhen edhe ekspertë të huaj të cilët kanë asistuar ndihmën, në shoqërimin me eksortë të personaliteteve të huaja nga Rinasi deri në zonën e sheshit ku do mbahet samiti.
