Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Leskaj flet para mbledhjes në selinë blu: Mandatin e katërt e humbëm për faj të diasporës!
n.fPërditësimi i fundit 14 Maj 2025, 23:06
TIRANË- Drejtuesi politik i Qarkut Vlorë për Partinë Demokratike, Bujar Leskaj ka folur për mediat para se të futej në selinë blu ku me urdhër të kreut të PD-së, Sali Berisha për një mbledhje urgjente pas humbjes së zgjedhjeve parlamentare të 11 majit.
I pyetur mbi humbjen e thellë ndaj PS, Leskaj u shpreh se këto zgjedhje i humbën për faj të diasporës. Ai e quajti kryeministrin Edi Rama një “Putin të vogël”, referuar presidentit rus Vladimir Putin, dhe se shqiptarët duhet të bashkohen.
"Kjo është një humbje e një makinerie të pisët elektorale që përdori të gjithë resurset. Por, nuk është kjo çështja. Natyrisht ne do ta analizojmë, mandatin e 4 e humbëm nga votat e diasporës. Do ta analizojmë me përgjegjësi, me përgjegjshmëri, me ndershmëri dhe korrektes. Por, ju nuk duhet të harroni se Rama ka prishur çdo raport instuticional në Shqipëri. Ka shkatërruar instuticionet e shtetit, i ka vendosur në dispozicion të zgjedhjeve. I ka vënë në shërbim të një fushate elektorale jo të ndershme. Kjo është pasoja më e rrezikshme për shqiptarët. Unë jam krenar për të gjithë demokratët e Vlorës, për qindra mijëra të rinj, për ata të rinj, për ata demokratë qëndrestar që mbrojtën votën, që luftuan, që lexuan numëruan votën.
I dinim dhe i kemi deklaruar, i kemi shkruar, u përpoqëm që t'i paralajmëronim. Duhet të bashkohemi të gjithë kundër sektit Rama, që mos të shndërrohet si regjim, ai është shndërruar tashmë. Por, që të mos na nënshtrojë të gjithëve, duhet të bashkohemi të gjithë. Edhe ju si gazetarë. Ngacmoni pak edhe ata pronarët tuaj, shërbëtorë të Ramës. Unë kam respekt për ju, në veçanti për ju si gazetarë. Por ndaj kësaj të keqe që ky është një Putin i vogël ne duhet të bëhemi të gjithë bashkë. Ata të rinjtë që u larguanb nga FRPD i bleu Rama, ishin 4-5 veta. Ska asgjë, lëvizje ka njeriu”, tha Leskaj. Më herët ka mbërritur dhe Bardhi me Nokën të cilët u shprehën se votat e shqiptarëve janë vjedhur dhe manipuluar.
