Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Seanca për “Sterilizimin”/ "Beqja, Rrjepaj dhe Rrapaj të gjykohen bashkë", SPAK kërkon ndarjen e çështjes, të akuzuarit e tjerë të gjykohen veç
n.fPërditësimi i fundit 12 Dhjetor 2024, 19:30
Foto
TIRANË- Gjykata e Posaçme ditën e sotme po zhvillon seancë paraprake të dosjes së Sterilizimit. Seanca ka nisur që prej orëve të para të mëngjesit të sotëm. Mësohet se qëndrimet e të gjithë të akuzuarve për dosjen e sterilizimit kanë përfunduar ndërsa shumica kërkuan gjykim të shkurtuar.
Ndërkohë SPAK kërkon që të ketë ndarje të çështjes ku Beqja, Rrjepaj, Rrapaj të gjykohen bashkë ndërsa ata që kërkuan gjykim të shkurtuar të gjykohen veç. Kjo mund të sjellë dërgimin e të tjerëve tek Gjykata e Tiranës. Gazetarja Anila Hoxha shprehet se SPAK i ka kërkuar gjykatëses paraprake që anëtarët e komisionit të vlerësimit të ndahet çështja për ta e të shkojë për gjykim tek e Tiranës.
"Të mbahen këtu për t’u gjykuar në themel," tha prokurori këtu në GJKKO të mbahen Beqaj, Rrjepaj dhe Rrapaj. Vetëm ish-ministri i Shëndetësisë nuk kërkoi gjykim si edhe Klodian Rrjepaj. Shtatë të akuzuarit e tjerë kërkuan gjykim të shkurtuar.
"Nuk ka nevojë për akt ekspertimi. Nuk kemi asnjë koment për pretendimet se për të njëjtin fakt janë ngritur dy apo tre akuza. Çështja mund të zgjidhet me gjendjen që janë aktet. Të pranohet gjykimi i shkurtuar dhe të ndahet çështja për komisionin dhe të shkojë në gjykatën e Tiranës. Të vazhdojë gjykimi në GJKKO për Ilir Beqajn," tha prokurori.
Ish-ministri, Ilir Beqaj është i pandehur për dosjen e koncesionit të sterilizimit, ndërsa më 18 mars iu komunikua edhe akuza shpërdorim detyre e kryer në bashkëpunim. Ndaj Beqajt rëndojnë akuzat “Shpërdorim detyre”, e kryer në bashkëpunim. Hetimi SPAK është kryer për koncesionin “shërbime të integruara për ofrimin e setit të personalizuar të instrumenteve kirurgjikale, furnizimin me material mjekësor steril njëpërdorimësh në sallat kirurgjikale, si dhe trajtimin e mbetjeve biologjike dhe dezinfektimin e sallave kirurgjikale”, në kohën kur Beqaj drejtonte ministrinë e Bujqësisë.
Për sterilizimin janë marrë të pandehur edhe 8 të tjerë, mes tyre ish-zv-ministri Klodian Rrjepaj dhe përfituesi i Koncesionit Ilir Rrapaj të dy në pranga që prej gushtit të vitit të kaluar. Në gjykim do të shkojnë edhe 6 ish-zyrtarë të Ministrisë së Shëndetësisë të cilët kanë qenë anëtarë të Komisionit të koncesionit të sterilizimit.
