Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
POLITIKE
Senati miraton! David J. Kostelancik zgjidhet ambasador i ri i SHBA-së në Shqipëri
PiranjatPërditësimi i fundit 28 Prill 2023, 16:45
SHBA- Senati amerikan ka miratuar kandidaturën e diplomatit David J. Kostelancik si ambasadori e ri i Shteteve të Bashkuara të Amerikës në Shqipëri. Njoftimi për miratimin e tij është publikuar edhe zyrtarisht në faqen zyrtare të Kongresit amerikanë, ku njoftohet miratimi i kandidaturës së propozuar nga presidenti Joe Biden së Kostelancik, i cili do të zëvendësojë ambasadoren aktuale amerikane në Shqipëri, Yuri Kim. Tani e gjithë çfarë mbetet për të është firma e presidentit Biden dhe data se kur do të nisë 'puna' e tij e re në Shqipëri, vend ku rikthehet për herë të dytë për të shërbyer nën petkun e diplomatit amerikan. Disa javë më parë në prezantimin e tij para Kongresit, ai listoi edhe 3 prioritetet e tij për Shqipërinë. Një nga sektorët e bashkëpunimit të ngushtë mes dy vendeve, tha ambasadori do të jetë forcimi i mëtejshëm i partneritetit në mbrojtje, por theksin e vuri tek lufta kundër korrupsionit dhe bashkëpunimi me organet e reja të drejtësisë.
"Kam shpenzuar vite nga jeta ime për t'i shërbyer SHBA. Jam diplomat karriere, që nga vitit 1994 kam shërbyer si asistent në Ambasadën Amerikanë në Shqipëri, pastaj jam emëruar në Moskë. Gjatë këtyre 30 viteve Shqipëria ka bërë progres ndaj demokracisë. Vendi po luan rol të rëndësishëm si partner në NATO dhe ka nisur bisedimet. është sfidë për mua që të ndihmoj Shqipërinë në këtë rrugë. Prioritetet e mia janë: mbrojtja e amerikanëve në SHBA; do të punoj me autoritetet shqiptare për të forcuar institucionet dhe organet e reja të drejtësisë; e dyta Biden kërkon luftë ndaj korrupsionit; reforma në drejtësi do të ndihmojë Shqipërinë të ecë përpara drejt institucioneve europiane; e treta do të forcoj partneritetin me Shqipërinë, e kam ndjekur marrëdhënien që ka krijuar stafi i Ambasadës amerikane në Tiranë për të ndihmuar Shqipërinë në përballimin e sulmeve kibernetike nga Irani. Ne duhet të forcojmë pra mbrojtjen ndaj këtyre sulmeve, edhe në të ardhmen. do ta forcoj klimën e biznesit për të nxitur klimën amerikane për të krijuar një treg transparent për investime të reja. Shqipëria po bën progres në rrugën e integrimit euro-atlantik, nëse unë do të konfirmohem nga Senati, do të kem nderin që të ndërtoj mbi bazën e eksperiencës time 30-vjeçare, forcimin e marrëdhënieve mes Shqipërisë dhe Shteteve të Bashkuara. Ju falenderoj për nominimin dhe jam i hapur për pyetjet tuaja”, tha Kostelancik.
Por kush është diplomati David J. Kostelancik?
David J. Kostelancik, shërben aktualisht si Këshilltar për Politikën e Jashtme i Shefit të Shtatmadhorisë amerikane, Gjeneral Mark Milley. Kostelancik, anëtar karriere i Shërbimit të Lartë të Jashtëm të Shteteve të Bashkuara të Amerikës, grada Këshilltar Ministër, filloi shërbimin e tij si këshilltar për politikën e jashtme të Kryetarit të Shefit të Shtabit të Përbashkët, Gjeneral Mark Milley, në gusht 2021.
Kostelancik më parë shërbeu si Zëvendës Shef i Misionit dhe për dy vjet si i Ngarkuar me Punë në Ambasadën e SHBA-së në Budapest në Hungari, ku ai ofroi udhëheqje dhe udhëzime politike për stafin e misionit prej më shumë se 350 personash. Detyrat e tjera në Departamentin e Shtetit përfshijnë si Drejtor i Zyrës për Çështjet e Evropës Jug-Qendore dhesi Drejtor i Zyrës së Çështjeve Ruse, si në Byronë e Çështjeve Evropiane dhe Euroaziatike, si dhe Drejtor i Zyrës së Evropës dhe Azisë në Byronë Ndërkombëtare të Narkotikëve dhe Çështjeve të Zbatimit të Ligjit.
Më herët në karrierën e tij, ai shërbeu dy herë në Ambasadën e SHBA në Moskë, duke përfshirë një detyrë si Asistent Special i Ambasadorit Thomas Pickering, duke përfshirë përgjegjësitë për shtrirje në të gjithë Rusinë dhe shkrimin e fjalimeve. Postime të tjera jashtë shtetit përfshijnë Misionin e SHBA në OSBE dhe Misionin e SHBA në NATO, duke u fokusuar në të dy misionet në bashkëpunimin e sigurisë me Rusinë, Ambasadën e SHBA në Tiranë, Shqipëri dhe Ambasadën e SHBA në Ankara, Turqi. Ai shërbeu gjithashtu në Këshillin e Sigurisë Kombëtare, duke u përqëndruar në marrëdhëniet e SHBA me vendet e Evropës Qendrore.
Kostelancik ka një diplomë Bachelor të Arteve nga Universiteti Northëestern në Matematikë dhe Shkenca Politike, një diplomë Master të Arteve nga Universiteti i Miçiganit në Studime Ruse dhe të Evropës Lindore dhe një diplomë Master Shkencor nga Kolegji Kombëtar i Luftës në politikën e sigurisë kombëtare. Ai flet rusisht, hungarisht, shqip dhe turqisht. Ai dhe gruaja e tij janë prindër të tre djemve të rritur.
