Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
'Shkaktari i aksidentit tragjik në Durrës u vetëdorëzua tek patronazhisti'/ Saraçi: Ja si e paralajmëruam
PiranjatPërditësimi i fundit 6 Maj 2026, 18:29
Kryeredaktori i SYRI TV, Romir Saraçi ka reaguar ashpër lidhur me ngjarjen tragjike në Durrës, duke theksuar se familjarët e viktimave kërkojnë drejtësi dhe që rasti të trajtohet si vrasje dhe jo si aksident.
Sipas tij, ngjarja ishte e paralajmëruar, ndërsa zhvillimet pas aksidentit, përfshirë largimin e autorit dhe lidhjet e pretenduara me përfaqësues politikë, e bëjnë situatën edhe më shqetësuese.
Romir Saraçi: Ata kërkojnë njëherë, pjesa e parë është drejtësia, për të vendosur drejtësi sepse ata e kanë vuajtur atë sjellje agresive që solli deri në aksident, atë sjellje të papërgjegjshme të personit që shkaktoi aksidentin, gjë që është dhe kërkojnë drejtësi sot për ta konsideruar atë si një vrasje, jo si një aksident. Pra, në kërkesën e tyre simbolike, jo në kërkesën e tyre zyrtare., sepse ngjarja ka qenë patjetër e paralajmëruar, duke parë historikun e drejtuesit të mjetit, duke parë edhe sjelljen, sjelljen e tij karshi qytetarëve të asaj zone. Unë e kam thënë pak ditë më parë, pak pas ndodhi aksidenti. Ajo çfarë ka ndodhur pas aksidentit është edhe më skandaloze.
Drejtuesi i mjetit u largua nga vendi i ngjarjes dhe nuk ka shkuar për t'u dorëzuar në policinë e qytetit të Durrësit, por ka vajtur është takuar me një person i cili është konsiderohet si përfaqësues i Partisë Socialiste, si patronazhisti i asaj zone dhe më pas është njoftuar policia dhe ka vajtur e ka ndaluar pikërisht me personin i cili menaxhon për Partinë Socialiste zonën ku ndodhi aksidenti.
Do të thotë që ky personazh që bënte atë sjellje, që lëvizte me atë shpejtësi të madhe në zonë, ëh, ka qenë, ka pasur shpatullat e ngrohta. Madje edhe më pas, personazhet e aktivizuar në këtë ngjarje, përfaqësues të partive politike nuk kanë qenë vetëm bërjen e çokave në familjet e viktimave, por kanë qenë, kanë bërë deri diku dhe rolin e ndërmjetësit për të sfumuar të gjithë këtë histori që ka ndodhur. E dyta që është problematike për të cilën protestojnë banorët e zonës është infrastruktura. Dhe ne këtu në SYRI TV kemi bërë të paktën pesë apo gjashtë kronika për atë zonë, për mungesën e infrastrukturës. Janë qytetarët që kanë paralajmëruar që kohë më parë mungesën e infrastrukturës rrugore që mund të sillte aksidente me pasoja të tilla dhe asnjë masë.
Dhe çfarë është më fatkeqe, edhe pas atij aksidenti, sot nuk ka asnjë masë të marrë për rregullimin të paktën e infrastrukturës, pjesës së trotuareve, se mbase parqet dhe kopshtet e fushat e futbollit nuk i bëjnë dot brenda një nate, por dhe komplet infrastruktura rrugore është po prapë në të njëjtën, në të njëjtën situatë. Nuk është marrë asnjë masë, është vetëm shou i policisë. Sot doli për shembull, doli një prej drejtuesve të Policisë së Shtetit për të njoftuar masat që kanë marrë dhe që duhet të marrin për të parandaluar këto aksidente. Pra, pas çdo ngjarje të rëndë, ne nuk kemi institucione që të reflektojnë për të marrë realisht masat e duhura, por o do të njoftojnë aksionin e radhës, o do të bëjnë shou.
Ai është shou, ai shkarkimi i atyre është, u gjet sebebi për t'u shkarkuar këta njerëzit që i përkisnin atij drejtorit të shkuar për t'u vendosur ca njerëz të drejtorit. Pra nuk janë zgjidhje, nuk janë, nuk janë zgjidhje këto. Policia e Shtetit pavarësisht kush është sot, pavarësisht ngjyrimeve politike, duhet të veprojë si një institucion rendi, si një institucion ligji dhe nuk ka nevojë as për direktiva politike dhe as për as për plane pune, por duhet të veprojë në mënyrë korrekte.
Ajo çfarë sot është problematike është sepse dhe kupola e Policisë së Shtetit apo edhe efektivëve me potencial të caktuar në policinë e shtetit, janë të kapur. Mjafton të dalim rrugëve të Tiranës, rrugëve të Durrësit, rrugëve të kujtdo qyteti dhe nuk guxon një polic të ndalojë një nga këto makinat e të fortëve. Ky është shqetësimi sot. Jo pak, pak kilometra larg vendit ku ka ndodhur aksidenti, sot ishte rrëqethëse, gratë e zonës, qanin para kamerave, se nuk çonin dot fëmijët në shkollë, sepse një i fortë, një palaço në atë zonë, kalonte me shpejtësi, përveç se u dhunonte burrat, rrezikonte dhe jetën e fëmijëve. Është kronikë, është kronika që është transmetuar sot, ishte skandaloze.
Po a ka ndonjë efektiv policie apo ka ndonjë punonjës shtetëror që ka vajtur sot në atë zonë?
