Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
"Shpagimi ka për të ardhur"/ Luçiano Boçi për aksionin e IKMT-së në Theth: Një akt hakmarrjeje, terror
PiranjatPërditësimi i fundit 5 Tetor 2025, 15:14
Deputeti i Partisë Demokratike, Luçiano Boçi, ka reaguar ndaj lëvizjes më të fundit të qeverisë për prishjen e ndërtimeve në Theth, duke e cilësuar atë si një akt hakmarrjeje dhe frekuencë të rritur të përçmimit ndaj Veriu të Shqipërisë.
Në një postim në rrjetin social Facebook, Boçi ka akuzuar kryeministrin Edi Rama se rikthimi i tij në Theth nuk ka asnjë arsye turistike, por vetëm motive armike dhe pasurore. Ai shtoi se kjo veprimtari nuk ka lidhje me dashurinë për natyrën, por është një akt i urrejtjes për njerëzit që jetojnë në veri të Shqipërisë.
"Rikthimi i terrorit të Ramës në Theth, nuk është ‘për arsye turistike’, por për arsye armike. As ligjore, por vetëm pasurore. As arsye dashurie për natyrën, por arsye e pastër urrejtje për njerëzit", ka shkruar Boçi në Facebook.
Deputeti i PD-së, gjithashtu, ka krahasuar kryeministrin me një personazh të dramës së famshme të Durrenmat, "Zonjën Plakë", e cila kthehet për hakmarrje. Boçi paralajmëron se “shpagimi ka për të ardhur”.
Postimi i plotë i deputetit Luçiano Boçi:
“RIKTHIMI I TERRORIT NË THETH DHE ZONJA PLAKË (RAMA)
Rikthimi i terrorit të Ramës në Theth, nuk është “për arsye turistike”, por për arsye armike. As ligjore por vetëm pasurore. As arsye dashurie për natyrën, por arsye e pastër urrejtje për njerëzit.
Terrori e ka vlerën kur transmetohet live. Kjo është strategji e zakonshme e grupeve terroriste dhe shteteve terroriste.
Rama nuk u mjaftua me atë që la pas në Korrik, ku mbolli kaos, faliment ekonomik, inerte dhe përcau njerëzit me selektime prishjesh e favoresh.
Rri, rri dhe i rikthehet Thethit me një frekuencë të rritur hakmarrjeje ndaj Veriut që e përçmon.
Ndryshe nuk shpjegohet se si na i paska shpëtuar “syrit vigjilent” të Benetit një ndërtesë 3-katëshe në Theth, e ndërtuar me mund e djersë në tokën e vet. Këtë vetëm satelitët e Ramës e shpjegojnë.
