Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
POLITIKE
Progres-Raporti i Bashkimit Europian për Shqipërinë/ Xhixho: Konfirmoi gjendjen dramatike të vendit nën qeverisjen e korruptuar të Ramës
PiranjatPërditësimi i fundit 8 Nëntor 2025, 13:41
Zëvendëspresidentja e Partisë së Lirisë Erisa Xhixho komentoi Progres-Raportin e Bashkimit Europian për Shqipërinë duke theksuar se u konfirmua gjendja dramatike e Shqipërisë nën qeverisjen e korruptuar të Edi Ramës.
“Progres-Raporti i Bashkimit Europian për Shqipërinë konfirmoi gjendjen dramatike të vendit nën qeverisjen e korruptuar të Edi Ramës.
Zgjedhjet mbeten të manipuluara dhe me fushë-lojë të pabarabartë.
Korrupsioni është endemik dhe i pandëshkuar.
Sistemi gjyqësor është në kolaps”, thekson Xhixho përmes një postimi në rrjetet sociale.
Postimi I plotë:
Ashtu si çdo vit, Progres-Raporti i Bashkimit Europian për Shqipërinë konfirmoi gjendjen dramatike të vendit nën qeverisjen e korruptuar të Edi Ramës.
Raporti tregon qartë se, krahasuar me një vit më parë, nuk ka përmirësim në asnjë nga treguesit kryesorë të demokracisë, sundimit të ligjit dhe qeverisjes së mirë.
Komisioni Europian thekson se:
• Zgjedhjet mbeten të manipuluara dhe me fushë-lojë të pabarabartë;
• Korrupsioni është endemik dhe i pandëshkuar;
• Sistemi gjyqësor është në kolaps;
• Parlamenti ka humbur funksionin e mbikëqyrjes ndaj qeverisë;
• Media është nën presion, ndërsa e vërteta heshtet me gjoba dhe kërcënime — rasti më i fundit, agresioni ndaj Neës24 dhe gazetarëve, të gjitha këto në kundërshtim flagrant me nenin 10 të KEDNJ-së mbi lirinë e shprehjes.
• Administrata është e politizuar dhe e përfshirë në sistem patronazhimi gjatë zgjedhjeve;
• Krimi i organizuar vazhdon të jetë i fuqishëm dhe i lidhur me ekonominë;
• 70% e fëmijëve shqiptarë jetojnë në rrezik varfërie!
Ky raport është një këmbanë alarmi ndaj një modeli qeverisjeje që ka shkatërruar institucionet dhe ka zhbërë besimin e qytetarëve te shteti.
Shqipëria sot nuk vuan nga mungesa e ligjeve, por nga mungesa e zbatimit të tyre.
Integrimi europian nuk kërkon vetëm miratimin e reformave në letër, por zbatim real dhe efektiv që sjell ndryshim në jetën e përditshme të qytetarëve.
Sipas Institutit Ndërkombëtar të Vjenës për Studime Ekonomike, me këtë ritëm Shqipërisë do t’i duhen 64 vite për të arritur standardet e Bashkimit Europian!
Kjo është pasqyra më e qartë e dështimit të qeverisë Rama dhe humbjes së çdo standardi demokratik.
Shqipëria meriton më shumë.
Meriton institucione që funksionojnë, drejtësi të pavarur, të shpejtë dhe me integritet, dhe një qeveri që e afron vendin me Europën — jo që e izolon atë në korrupsion dhe varfëri.
