Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
“Shqipëria 2030 në BE - Rruga e Reformave”/ Xhafaj: Në BE duam të integrohemi vetëm duke plotësuar detyrat
M.B.Përditësimi i fundit 3 Prill 2025, 11:32
TIRANA- Kryetari i Komisionit të posaçëm Antikorrupsion, Fatmir Xhafaj ka mbajtur fjalën në takimin e nivelit të lartë “Shqipëria 2030 në BE - Rruga e Reformave”. Ai në cilësinë e kreu të komisionit të posaçëm parlamentar për Antikorrupsionin paraqiti gjetjet e punimeve të këtij komisioni.
Xhafaj tha se reformat e iniciuar muaj më parë synon të konsolidojë arritjet dhe të thellojë reformat shtetndërtuese, ndërsa tha se Shqipëria kërkon të bëhet pjesë e BE vetëm duke plotësuar detyrat. Ai shtoi se tashmë kemi kapacitete për të ndërmarrë hapa të mëdha që vende të ngjashme me ne nuk kanë pasur kurajo të marrin.
“Muaj më parë në iniciuam një reformë që synon të konsolidojë arritjet në këto fusha. Të ofrojë zgjidhje për të ecur para në këtë udhë synojmë të mos qëndrojmë në vetëkënaqësinë e arritjeve të realizuara, por me kurajo të vetëreflektojmë të ecim para, për të përmbushur detyrat për integrimin, për të afruar shansin e madh të anëtarësimit, për të vazhduar ciklin e reformave, për të thelluar reformat shtet ndërtuese.
Ky është procesi i dytë reformave i përmasave të tilla, pas reformës në drejtësi, mbështetur në arritjet e saj. Proces i mbështetur në 4 parime, gjithëpërfshirja, transparenca, profesionalizimi dhe standardet ndërkombëtare. Procesi i miratimit të akteve është realizuar nga grupi i ekspertëve të nivelit të lartë. Kjo reformë, sikur vepruam me reformën në drejtësi, synon ta shndërrojë këtë mundësi në një reformë të të tre pushteteve, fokus në tre shtylla, mirëqeverisjen, antikorrupsioni dhe sundimin e ligjit.
Ky proces reformimi dëshmon se ne kemi vizonin dhe aftësinë të ecim vetë para. Duhet të jemi krenar që kemi aftësinë për të marrë reforma të tilla parlamentare si reforma në drejtësi dhe kjo reformë e thellë në këto tre fusha. Fati më ka qëlluar që të kryesoj të dy komisionet parlamentare. Nga kjo përvojë e krijuar them me bindje se tashmë kemi kapacitete për të ndërmarrë hapa të tilla që vende të ngjashme me ne nuk kanë pasur kurajo të marrin”, tha Xhafaj.
