Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"Shqipëria s’ka mafie si Camorra e Cosa Nostra," Rama: Të drejtën demokratike për ta kundërshtuar marrëveshjen e shndërruan në abuzim
n.fPërditësimi i fundit 5 Qershor 2024, 14:31
Rama
SHËNGJIN- Pas inspektimeve në kampin e refugjatëve në Shëngjin kryeministri Edi Rama ka zhvilluar një konferencë të përbashkët me homologen e tij në Itali, Giorgia Meloni. Gjatë fjalës së tij Rama foli për sulmet mbi marrëveshjen me Italinë për emigrantët. Sipas tij sulmet e kryera kanë një qëllim të vetëm dhe ai është poltik. Rama më tej shtoi se gjithçka është bërë në kurriz të shqiptarëve pasi Shqipëria s’ka mafie si Camorra e Cosa Nostra.
"Më duhet të citoj një gazetë, të se nesërmes, ‘Thelbi i kriminaliteti shqiptar është vendi ku veprojnë klanet që lidhen me trafikun e qenieve njerëzore. Më duhet t’iu rrëfej që e kemi marrë seriozisht këtë zbulim shqetësues, meqë gazeta e së nesërmes thonte që po merreshim me zbulimin e këtyre klaneve, do të thotë që po merremi me SPAK dhe na siguruan që ky klan nuk ekziston.
Sigurisht veprojnë grupe kriminaliteti, por sipas SPAK nuk ekzistojnë premisat për të folur për një mafie shqiptare, term i përdorur për të hedhur baltë mbi Shqipërinë, duke cituar kreun e SPAK s’mund të themi se në këtë vend ekzistojnë struktura që u ngjanë Cosa Nostra, Camorra, sepse grupet kriminele shqiptare s’kanë hierarki dhe veprojnë në rrethe të ngushta familjare apo shoqërore. S’mund të mos shfrytëzoj këtë rast për të shprehur trishtim për gjysmë të vërteta.
Me qëllim fare të qartë për të sulmuar marrëveshjen mes dy qeverie në luftën kundër migracionit të paligjshëm. Të kenë turp, të turpërohen të gjithë ata që të drejtë demokratike për të kundërshtuar këtë marrëveshje e kanë shndërruar në një abuzim të pushtetit të katërt dhe kjo në kurriz të shqiptarëve," tha ai.
