Në mbështetje të studentëve që protestojnë para Ministrisë së Arsimit, protestës i është bashkuar edhe ...
POLITIKE
"Shqiptarët të zhytur në varfëri", Berisha: Balluku u kap në flagrancë me 50 mln euro në tunelin e Llogarasë
PiranjatPërditësimi i fundit 18 Shkurt 2026, 18:46
Kreu i Partisë Demokratike, Sali Berisha, ka zhvilluar një takim me qytetarët në Sukth, në kuadër të “Foltores”, ku ka hedhur akuza të forta ndaj qeverisë dhe kryeministrit Edi Rama. Gjatë fjalës së tij, Berisha deklaroi se politikat ekonomike të qeverisë kanë thelluar varfërinë në vend.
Ai ka theksuar se rritja e çmimeve ka tejkaluar ndjeshëm rritjen e pagave, pensioneve dhe ndihmës ekonomike.
Në fjalimin e tij, kryedemokrati akuzoi gjithashtu zëvendëskryeministren Belinda Balluku për abuzime, duke pretenduar se qeveria po ndërmerr iniciativa ligjore për të mbrojtur, sipas tij, afera korruptive. Berisha u ndal edhe te çështje që lidhen me menaxhimin e pasurive publike, përfshirë Portin e Durrësit dhe projekte infrastrukturore, duke i cilësuar ato si simbol të keqmenaxhimit dhe korrupsionit.
“Rrogat, pensionet ndihma ekonominë janë rritur shumë më pak se çmimet. Çmimet në Shqipëri, çmimi i ushqimeve bazë është 17 % më i lartë se mesatarja e vendeve të BE. Kjo ka sjellë zhytjen në varfëri të shqiptarëve. Dhe kjo sjell faktin e trishtë “ik bir se këtu nuk ushqehemi dot. Kjo qeveri ka vjedhur pasuritë tuaja. Taksat që ju paguani në çdo gotë uji që pini. Vetëm Porti i Durrësit ka një vlerë prej rreth 4 mln euro me truall e të gjitha, por këtë si Porti prej pesë vitesh e kanë Troplinët, portin e Peshkatarëve e mori Luca, një trafikant që ndiqej nga 5 shtete për trafik bashkë me një Dorjan Beu. Ndërtohen vila, parasja për ata dhe konton bankare fryhen dhe qytetarët marrin rrugët Zëvendëskryeministrja është kapur në flagrancë nisi me 50 të tunelit të Llogarasë. Këta guxojnë si askund në botë, në vend të paraqiten para drejtësisë”, tha ai.
