Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Skandali i RTSH-së bashkon PS-në me PD-në/ Evis Kushi në një mendje me Ina Zhupën: Këshilli drejtues të bëj garë transparente
n.fPërditësimi i fundit 28 Janar 2025, 12:23
Kushi
TIRANË- Ish-ministrja e Arsimit, Evis Kushi ka reaguar në lidhje me skualifikim e kandidatëvë për postn drejtues të RTSH-së. Kushi në reagimin e saj në "Facebook" shkruan se nuk ndodh shpesh që të ketë të njëjtin mendim me kolegen Ina Zhupa ndërsa shton se nuk i heq asnjë presje reagimit të saj.
Kushi më tej i ka bërë thirrje Këshillit Drejtues për të kthyer dhe të lejuar në normalitet garën e hapur, transparente e meritokratike. Ajo shton se nësë ndodh e kundërta do të ishte vetëasgjësimi i Këshillit dhe Parlamenti do të ndërhyjë në mbrojtje të lirisë dhe të drejtave të garës, duke marrë masa drastike.
"Nuk ndodh shpesh të jem me kolegen Ina Zhupa, por pasi jam njohur me zhvillimet në RTSH nuk i heq asnjë presje reagimit të saj. I bëj thirrje Këshillit Drejtues të kthyer dhe të lejuar në normalitet garën e hapur, transparente e meritokratike. E kundërta do të ishte vetëasgjësimi i Këshillit dhe Parlamentit do të detyrohej të ndërhynte në mbrojtje të lirisë dhe të drejtave të garës, duke marrë masa drastike që nuk është dashur," shkruan Kushi.
Në reagimin e saj kryetarja e Komisionit për Edukimin dhe Mjetet e Informimit Publik, Ina Zhupa, i cilësoi veprimet e Këshillit Drejtues të RTSH-së, si një “çmenduri” që skualifikon kandidatët që plotësojnë të gjitha kriteret ligjore. Sipas Zhupës, Këshilli Drejtues ka shpikur rregulla të reja që nuk ekzistojnë në ligj, duke shkelur në mënyrë flagrante parimet e procesit të zgjedhjes.
Zhupa tha se se nuk ka asnjë dispozitë ligjore që lejon skualifikimin e kandidatëve që plotësojnë kriteret dhe qëllimi i procesit është të zhvillohet një garë e drejtë për të zgjedhur drejtorin e RTSH-së. Më tej ajo kritikon vendimin e Këshillit, që ka skualifikuar 8 kandidatë të vlefshëm dhe i kërkon atij të veprojë në përputhje me ligjin. Ajo gjithashtu thekson se skualifikimi mund të ndodhë vetëm nëse kandidati nuk plotëson kriteret ligjore, ndërsa çdo kandidat që i plotëson ato duhet të jetë pjesë e garës.
"Cmenduria e Këshillit Drejtues së RTSH, skualifikon nga gara kandidatët që plotësojnë kriteret! Këshilli Drejtues shpik rregulla që nuk ekzistojnë, skualifikon 8 kandidat që plotësojnë çdo kriter ligjor duke shkelur ligjin. Nuk ekziston në ligj votim për tu futur apo jo në votim!!! Thjesht garë dhe votim për të zgjedhur drejtorin mes atyre që plotësojnë kriteret ligjore!
Ku e kanë gjetur në ligj metodën e skualifikimit kur plotëson kriteret ligjore? Skualifikimi eshte kur nuk plotëson kriteret, ndryshe je në garë. Me vendim antiligjor skualifikohen: Laureta Roshi, Kliton Rama, Floriana Paskali, Eni Vasili, Harilla Koçi, Enrik Mehmeti, Flamur Buçpapaj dhe Ermal Hoxha.
Të 8 duhet të jenë në garë sipas ligjit bashkë me dyshen Polo- Shpuza që kaluan “votimin”. Cdo anëtar i Këshillit në të drejtën e vet mund të votoj një kandidat kë preferon sipas platformës dhe aftësive por ska asnjë të drejtë skualifikuese nga gara kur plotësohen kriteret ligjore. Thjesht mos e voto per drejtor! Ligji i njeh të drejtën e zgjedhjes me votë të fituesit, jo të skualifikimit me votë të atyre që plotësojnë kriteret ligjore.
Fjala bie, si mund të skualifikosh nga gara Eni Vasilin? Cfarë kriteri ligjor nuk plotëson? Marr Enin se është figurë më e njohur publike por secili nga 8 të skualifikuarit vlen e njëjta llogjikë. Nëse rryma brenda Këshillit kanë frikë nga vota e fshehtë gjatë garës dhe nxjerrin metoda skualifikuese extraligjore ky është problem serioz për garën dhe ligjshmërinë e RTSH," shkroi Zhupa.
