Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Zbulohet skandali i paprecedentë/ Tuneli i Llogarasë pa leje ndërtimi për 3 vite! Balluku dhe Rama nën përgjegjësi penale!
PiranjatPërditësimi i fundit 31 Tetor 2025, 18:21
Zëvendëskryeministrja dhe Ministrja e Infrastrukturës dhe Energjisë, Belinda Balluku, është marrë zyrtarisht e pandehur nga Prokuroria e Posaçme (SPAK) në lidhje me procedurat e tenderit për ndërtimin e tunelit të Llogarasë.
Ndërkohë një skandal i ri lidhur me aferën korruptive të tunelit të Llogarasë është zbuluar në studion “Task Forcë’ në Syri Tv.
Deputeti i PD-së, nënkryetari i grupit parlamentar të PD-së ka dokumentuar se vepra madhore është ndërtuar për më shumë se tre vjet pa një leje ndërtimi të vlefshme.
I ftuar në studion e “Task Force’ në Syri Tv, Belind Këlliçi zbulon dokumentin që vërteton se leja e ndërtimit për tunelin e Llogarasë është zbardhur më 28/05/2025. Pra për 3 vite e 1 muaj tuneli i Llogarasë ka qenë ndërtim pa leje.
Deputeti demokrat Belind Këlliçi, i cili tregon se Këshilli Kombëtar i Territorit (KKT), i kryesuar nga kryeministri Edi Rama, ka miratuar në prill të vitit 2022 një leje ndërtimi “me kusht” për tunelin. Sipas këtij vendimi, leja do të bëhej e vlefshme vetëm pas plotësimit të dokumentacionit tekniko-ligjor dhe pagesës së taksës së ndikimit në infrastrukturë. Megjithatë, dokumenti tregon se zbardhja finale e lejes, pra vlefshmëria e plotë e saj, është bërë vetëm në maj të vitit 2025, tre vjet e një muaj më vonë. Gjatë gjithë kësaj periudhe, puna për ndërtimin e tunelit ka vijuar, janë bërë inaugurime dhe janë disbursuar fonde publike, të gjitha këto në mungesë të një lejeje të rregullt.
Këlliçi thekson se kjo situatë përbën një shkelje flagrante të ligjit dhe krijon bazë për një akuzë të re penale për shpërdorim detyre. Ai theksoi se të gjitha pagesat e kryera gjatë kësaj periudhe janë të paligjshme, duke vënë nën përgjegjësi direkte firmëtarët e vendimit, përfshirë kryeministrin Rama dhe ministren Balluku.
Belind Kelliçi: "Drejtorja e Agjencisë së Zhvillimit të Territorit Adelajda Rroka ka zbardhur lejen e ndërtimit në datën 28/05/2025.
Cfarë do të thotë.
I gjithë tuneli është vepër e ndërtuar pa leje. Të gjitha paratë e disbursuara janë në shkelje flagrante të ligjit. Dhe këtu ka bazë për të ngritur një akuzë të re p[enale për ‘shpërdorim detyre’ dhe të gjitha lekët që janë disbursuar I ka marrë në mënyrë të padrejtë kompania që ka vjedhur 50 milionë euro.
Pra për 3 vite e një muaj tuneli i Llogarasë ka qenë ndërtim pa leje.
Pasi është bërë inagurimi, kemi parë festa, darje, emisione Brenda tunelit, këngë e valle drejtuar Edi Ramës. Pra pasi kanë ndodhur të gjitha këto është zbardhur leja e ndërtimit. Ky ështënjë skandal I paprecedentë. Ky është document autentik. I bëj thirrje prokurorit Dritan Prençit të kërkojë dokumentin dhe ia vëmë në dispozicion për ti ardhur në ndihmë për motrën e Erion Veliajt, Belinda Balluku'
