Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
"SPAK më thirri dhe s’më bëri asnjë pyetje"/ Bardhi për "Xibrakën": Olsian Çela që pezulloi hetimin u gradua Prokuror i Përgjithshëm
b.zPërditësimi i fundit 16 Janar 2025, 22:14
Gazmend Bardhi
TIRANË - Kryetari i grupit parlamentar të PD-së, Gazment Bardhi, ka deklaruar mbrëmjen e sotme se SPAK i ka dërguar fletëthirrje për të dhënë deklarime në lidhje me "Xibraka", por në fakt nuk i është bërë asnjë pyetje.
I ftuar në SYRI TV, Bardhi ka akuzuar më tej se prokurori që pezulloi dosjen 335/1, që është dosja e personit të paidentifikuar në hetimin e laboratorit të kokainës, Olsian Çela u gradua Prokuror i Përgjithshëm.
Bardhi: SPAK më thirri me fletë thirrje për këtë çështje dhe shkova u paraqita. Futem në prokurori, mirëmëngjesi, kemi rihapur këtë çështje, kjo është dosja, më thanë, dhe më treguan disa pirgje letrash, që do të thotë se kishin studiuar dosjen, sa kohë kishin vendosur rihapjen.
Të kemi ftuar për këtë çështje, çfarë ke për të thënë. I them, më fal unë nuk kam gjë për të thënë, çfarë kam pasur për të thënë ua kam sjellë me shkrim.
Mbi atë që kam sjellë me shkrim, i pyes, keni ndonjë pyetje? Jo më thonë, nuk kemi pyetje. Mirëpufshim!
Kaq ka qenë mbi këtë çështje. Po të merrni procesverbalin kaq është, unk më është bërë asnjë pyetje, nuk më është kërkuar asnjë sqarim. Ata do të thotë se, ishin të qartë, dmth i përputhej informacioni.
Praktikisht nuk sajova, apo nuk mora prova të reja. Unë mora provat e asaj dosje dhe sigurisht që ata kanë verifikuar, se ato që unë kam thënë, janë në atë dosje. Se nuk mund të vendosej rihapja e hetimit.
Dy vendime të shkallës së parë dhe Apelit e thonë që, hetimet janë kryer me qëllim prishjen e disa provave dhe i gjithë operacioni, e thotë gjykata, është dekonspiruar. Dhe unë i kërkoj që të verifikohej edhe puna e policisë dhe prokurorëve të çështjes.
Prokurori i kësaj çështje pasi pezulloi 335/1 prokurori Olsian Çela, u bë me votë të Edi Ramës në Kuvend, Prokuror i Republikës së Shqipërisë. A ka pozicion më të lart se në sistemin e prokurorisë. Pra nga një prokuror i shkallës së parë e çoi Prokuror të Përgjithshëm’.
