Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
POLITIKE
Takim me emigrantët në Milano, Berisha: Atdhetarët e flaktë po shkrijnë ngricën e narkodiktaturës në Shqipëri dhe po sjellin pranverën e bekuar të demokracisë!
n.fPërditësimi i fundit 2 Mars 2025, 16:36
MILANO- Kreu i Partisë Demokratike, Sali Berisha në takimin e tij me emigrantët shqiptarë në Milano u shpreh se atdhetarët e flaktë po shkrijnë ngricën e narkodiktaturës në Shqipëri dhe po sjellin pranverën e bekuar të demokracisë. Berisha shprehu mirënjohjen për pritjen e zjarrtë ndërsa theksoi se kjo pritje nga emigrantët është himni i rikthimit dhe fitores së opozitës shqiptarë në zgjedhjet e 11 majit.
Ai më tej falenderoi popullin italian që iu gjet pranë emigrantëve shqiptarë në ditët me të vështira të tyrë. Berisha theksoi se marrëdhënier mes Shqipërisë dhe Italisë janë qindra vjeçare dhe se ajo ëshrë një mike e mirë në ditët e vështira. Berisha tha se pas rrëzimit të diktaturës komuniste, Italia ishte vendi i parë që u mësy nga shqiptarët si toka e premtuar për të shpëtuar nga dhimbjet e tmerrshme të skamjes së diktaturës.
"Të dashur bashkëatdhetare dhe bashkëatdhetarë! Falenderime të përzemërta, mirënjohjen më të thellë për këtë pritje madhështore. Entuziazmi, energjia, dashuria juaj për vendin, njerëz të lirë, atdhetarë të flaktë po shkrijnë sot ngricën e dimrit të narkodiktaturës në Shqipëri, dhe po sjellin pranverën e bekuar të demokracisë.
Mirënjohje të pakufijshme për këtë pritje kaq të zjarrtë. Pritje të cilat po kthehen në himnin më të bukur të rikthimit të PD, të fitores së opozitës shqiptare. Është kënaqësi e madhe ky takim sot me ju, një takim në Milano, qytetin e mikut italian më të shquar të shqiptarëve, e mikut të pavdekshëm të Shqipërisë dhe Sali Berishës, Silvio Berluksoni.
Ky takim në Itali, në vendin mik të sprovuar në kohërat më të vështira për shqiptarët. Prandaj dhe, një falënderim i veçantë shkon për miqtë tuaj në këtë vend, për kombin e madh italian, për gjithçka kanë bërë për Shqipërinë, për shqiptarët. Miqtë e mi, marërdhëniet e Shqipërisë me Italinë janë marrëdhënie qindra vjeçare, por ne shqiptarët kemi një fjalë: miku i mirë në ditë të vështirë. Dhe italianët iu janë gjetur shqiptarëve në ditët më të vështira të tyre, bashkëpushtimit otoman, qindr amijëra shqiptarë gjetën strehën në këtë vend të bekuar. Pas rrëzimit të diktaturës komuniste, Itali ishte vendi i parë që u mësy nga shqiptarët si toka e premtuar për të shpëtuar nga dhimbjet e tmerrshme të skamjes së diktaturës.
Këto vite të narkodiktaturës, përsëri ky komb, ky vend mik, hapi dyert dhe zemrat për shqiptarët e përzënë nga narkodiktatura e Edi Ramës. Ndaj dhe, le të shprehim bashkë një mirënjohje të pakufijshme për miqtë tanë italianë dhe Italinë mike," tha ai.
