Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
POLITIKE
Takim me Komitetin e Stabilizim-Asociimit, Berisha: Krimi dhe korrupsioni po minojnë integrimin e vendit
PiranjatPërditësimi i fundit 30 Tetor 2025, 11:14
Kryetari i Partisë Demokratike, Sali Berisha, ka zhvilluar një takim me kryetarin e Komitetit të Stabilizim-Asociimit në Parlamentin Europian, Marco Tarquinio, si dhe me anëtarin e këtij komiteti dhe referentin e Parlamentit Europian për Shqipërinë, Andreas Schieder.
Në një postim në rrjetet sociale, Berisha ka bërë të ditur se gjatë takimit ka falënderuar përfaqësuesit e BE-së për mbështetjen që i japin procesit të integrimit europian të Shqipërisë.
Ai theksoi se vendi po përballet me “probleme madhore”, mes të cilave përmendi: instalimin e “narkoshtetit të parë dhe të vetëm në Europë”, shtypjen e pluralizmit politik dhe persekutimin e opozitës, si dhe korrupsionin e papërmbajtur të qeveritarëve dhe lidhjet e tyre me krimin.
Sipas Berishës, “Edi Rama, përmes mediave dhe diplomatëve të korruptuar që kontrollon, mashtron dhe paraqet opozitën sikur është kundër integrimit europian”, ndërsa shtoi se këto janë “mashtrime banale të propagandës së paguar”.
Takim me kryetarin e komitetit të Stabilizimit në Parlamentin Europian Marco Tarquinio, anëtarin e këtij komiteti dhe referentin e Paralamentit Europian për Shqiperinë Andreas Schieder. Në këtë takim pas falenderova miqtë për mbështetjen që i japin procesit të integrimit të Shqipërisë në BE, theksova se problemet madhore me të cilat përballet vendi janë:
Instalimi i narkoshtetit të parë dhe të vetëm në Europë që po shkaterron shtetin ligjor, ekonominë, dhe shoqërinë e vendit dhe po varfëron pandalshëm shqiptarët dhe po largon masivisht shqiptarët nga Shqiperia.
Shtypja e pluralizmit politik, persekutimi i opozitës dhe mohimi i të drejtave kushtetuese të saj dhe shndërrimi i procesit zgjedhor në farsë zgjedhore. Korrupsioni i papërmbajtur i qeveritarëve dhe lidhjet e tyre me krimin.
Në takim theksova se Edi Rama nëpermjet mediave dhe diplomatëve të korruptuar që kontrollon mashtron dhe trillon duke paraqitur opozitën, betejen e saj për votën e lirë për luftën kundër narkoshtetit dhe korrupsionit, sikur nuk e do integrimin në BE. Këto janë mashtrime banale të propagandës të paguar të Edi Ramës.
Partia Demokratike që në themelimin e saj ka qenë forcë kryesore e integrimit të vendit në KE në NATO dhe në BE. Ajo konsideron integrimin e Shqipërisë në BE si të ardhmen më të ndritur për shqiptarët, por beson se ky proces duhet të bazohet në meritë, në reforma, dhe jo në suksese imagjinare dhe propagande trilluese! Takimi ishte i hapur.
