Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
Takimi i Komisionit Parlamentar të Stabilizim-Asociimit BE-Shqipëri/ PD: Ky është një proces që i përket të gjithëve, nuk është pronë private e askujt
M.B.Përditësimi i fundit 30 Tetor 2024, 14:30
TIRANA- Grupi Parlamentar i Partisë Demokratike ka ndalë me një deklaratë të përbashkët në lidhje me zhvillimin e mbledjes së Komisionit Parlamentar të Stabilizim-Asociimit BE-Shqipëri dhe qëndrimet e tyre të mbajtura atje. PD thotë se qëndron krah aspiratave të qytetarëve shqiptar në procesin e integrimit europian.
Në deklaratë thuhet se ky proces është aspirata e çdo shqiptari, një rrugë që duhet të ecë përpara përmes dialogut të hapur dhe vendimmarrjes gjithëpërfshirëse. Po ashtu në deklaratë shtohet se në momentin kur mazhoranca ngre kartonin kundër këtij dialogu dhe zgjidh monologun si mënyrë komunikimi, krijohen pikëpyetje të mëdha për të ardhmen e procesit.
Grupi i PD-së shton se ky është një proces që i përket të gjithëve dhe nuk është pronë private e askujt. Gjithashtu PD shton se duke patur në konsideratë nevojën për bashkëpunim gjithëpërfshirës në këtë proces, paraqiti disa amendamente dhe sugjerime mbi Rezolutën në Komitetin Parlamentar për Stabilizin Asocimin, të ndërtuara mbi katër shtylla të forta: sundimi i ligjit, liria ekonomike, lufta kundër korrupsionit, dhe zgjedhjet e lira dhe të ndershme, por mazhoranca ka refuzuar me votë.
DEKLARATË E ANËTARËVE TË GRUPIT PARLAMENTAR TË PD NË KOMITETIN E PËRBASHKËT BE- SHQIPËRI:
Grupi Parlamentar i Partisë Demokratike qëndron krah aspiratave të qytetarëve shqiptar ne procesin e integrimit europian. Ky proces është aspirata e çdo shqiptari, një rrugë që duhet të ecë përpara përmes dialogut të hapur dhe vendimmarrjes gjithëpërfshirëse. Por, në momentin kur mazhoranca ngre kartonin kundër këtij dialogu dhe zgjidh monologun si mënyrë komunikimi, krijohen pikëpyetje të mëdha për të ardhmen e procesit.
Ky është një proces që i përket të gjithëve – nuk është pronë private e askujt. Grupi Parlamentar i Partisë Demokratike duke patur në konsideratë nevojën për bashkëpunim gjithëpërfshirës në këtë proces, paraqiti disa amendamente dhe sugjerime mbi Rezolutën në Komitetin Parlamentar për Stabilizin Asocimin, të ndërtuara mbi katër shtylla të forta: sundimi i ligjit, liria ekonomike, lufta kundër korrupsionit, dhe zgjedhjet e lira dhe të ndershme.
Ky është vizioni ynë për një Shqipëri të përfshirë, të drejtë dhe të gatshme për Europën. Por, me keqardhje, mazhoranca ka refuzuar me votë, duke preferuar barrikadat politike të përçarjes dhe të luftës partiake edhe në procesin e integrimit. Kjo nuk i shërben aspiratave europiane të Shqipërisë. Ne ende besojmë se integrimi europian është dhe duhet të mbetet një proces gjithëpërfshirës. Ai u përket shqiptarëve, jo vetëm një mazhorance kalimtare. Ky duhet të jetë një proces që duhet të bazohet në meritë dhe vërtetësi.
Koha ka ardhur të dalim nga barrikadat partiake, një ngjyrshe, sepse Shqipëria ka nevojë të respektoi vendimet e gjykatave, që lufton korrupsionin, dhe që ndërmerr reformat e duhura në përputhje me rekomandimet e OSBE-ODIHR.
