Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
POLITIKE
Takimi i politikanëve të lartë dhe mafies në ishullin Aruba/ Gazetari italian: Ka biseda të përgjuara. Përmendet KM shqiptar! Rama duhet të sqarojë
PiranjatPërditësimi i fundit 25 Shtator 2025, 19:26
“Ka edhe biseda të përgjuara, ku flitet për njerëz të nivelit të lartë të qeverisë së Edi Ramës, duke përmendur Edi Ramën si krye të qeverisë” thotë gazetari investigativ Nello Trocchia në intervistën dhënë gazetares Alba Kepi të Syri Tv. Ai nënvizon se Rama duhet të sqarojë se çfarë janë këto biseda.
Intervista u transmetua sot, 25 shtator, në emisionin “Task Force’ me gazetaren Sonila Meço në Syri Tv
Pjesë nga intervista
Alba Kepi, Syri Tv: Në këto dokumente të sekuestruara që keni analizuar a ka emra te qeverisë shqiptare? Drejtuesit e lartë të qeverisë?
Nello Trocchia për Syri Tv: Po, drejtuesit e lartë. Pra, ose ministrat ose nënsekretarët. Është e qartë që ata përmendin këtë lloj reference, por nuk ka ndonjë çertifikatë që e fotografon takimin në Aruba.
– Sigurisht.
Ka edhe biseda të përgjuara, ku flitet për njerëz të nivelit të lartë të qeverisë së Edi Ramës, duke përmendur Edi Ramën si krye të qeverisë. Kush ishte aty duhet të sqarohet; për këto pyetje Rama nuk ka pranuar të përgjigjet, por duhet të tregojë nëse këta persona ekzistojnë apo janë vetëm trillime të të interceptuarve.
Në fakt, një fakt i njohur: Drejtoria e Antimafias thotë se është konfirmuar një takim në Aruba midis këtyre personave, Shehut dhe shokëve të tij, me figura të pacaktuara të qeverisë në detyrë, jo qeveri lokale. Ky ishte në 2019, e njëjti qeveri që sot qeveris Shqipërinë, pra Rama.
Alba Kepi, Syri Tv: Ka detaje të tjera në libër mbi lidhjet mes politikës e mafias për ata që janë kuriozë?
Nello Trocchia për Syri Tv: - Lidhen fuqishëm politika dhe krimi. Unë rikonstruktoj, për shembull, raste ku janë hetuar edhe figura të tjera politike shqiptare, ish-presidenti, ministri i Brendshëm i qeverisë Rama, por edhe ministra të tjerë. Ka pasur hetime për ministrin e Brendshëm të qeverisë Rama, por edhe për ministra të tjerë, për shembull për ndërtimin e impianteve të mbetjeve. Pra, nuk është se nuk ka pasur hetime mbi figura të larta qeveritare.
Kjo kërkon një nivel transparence edhe më të madh. Kryeministri Rama ka vendosur kohët e fundit një ministër për inteligjencën artificiale për të parandaluar korrupsionin, që tregon që problemi ekziston.
