Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
"Të ngrihemi pa frikë për dinjitetin", Blushi thirrje qytetarëve: Më 22 mars të shpërthejë revolta
PiranjatPërditësimi i fundit 17 Mars 2026, 18:26
Deputeti i Partisë së Lirisë, njëkohësisht dhe sekretari i Përgjithshëm, Tedi Blushi, ka bërë thirrje për mobilizim qytetar në protestën e paralajmëruar më 22 mars, duke e cilësuar këtë datë si një moment të rëndësishëm për reagimin publik.
Në një reagim publik, Blushi u shpreh se ‘22 Marsi është dita jonë, dita e çdo shqiptari të lirë’, duke theksuar se qytetarët duhet të ngrihen për dinjitetin e tyre, për të ardhmen e familjeve dhe për barazinë para ligjit.
Ai akuzoi qeverinë për padrejtësi dhe arrogancë, ndërsa shtoi se, sipas tij, pushteti po sillet si ‘pronar i Shqipërisë’.
Deputeti i Partisë së Lirisë u bëri thirrje qytetarëve që të marrin pjesë në protestë dhe të shprehin pakënaqësinë e tyre në rrugë dhe sheshe.
‘Le të shpërthejë revolta qytetare në çdo rrugë dhe çdo shesh të Tiranës. Le të dëgjohet fort zemërata dhe përçmimi ynë’, u shpreh ai.
Në përfundim, Blushi theksoi se protesta e 22 marsit është momenti kur, sipas tij, ‘populli flet’ dhe i bëri thirrje qytetarëve: ‘Protesto! Reago! Mos hesht!’.
"22 Marsi është dita jonë! Dita e çdo shqiptari të lirë! Është dita kur qytetarët ngrihen pa frikë për dinjitetin e tyre, për të ardhmen e fëmijëve të tyre, për barazinë para ligjit që na është mohuar çdo ditë! Mjaft më me padrejtësinë! Mjaft më me arrogancën! Mjaft më me një pushtet që sillet si pronar i Shqipërisë! Asnjë hap pas! Le të shpërthejë revolta qytetare në çdo rrugë dhe çdo shesh të Tiranës! Le të dëgjohet fort zemërata dhe përçmimi ynë ndaj një Qeverie që ka tradhtuar qytetarët dhe ka rrënuar besimin tek shteti! 22 Marsi është dita kur populli flet. Dhe askush nuk mund ta ndalë! Protesto! Reago! Mos hesht!", shkruan ai.
