Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
Teliti: Këshilli Bashkiak të ngrejë Komisionin e Brendshëm të kontrollit financiar! Zhulali: Shkarkimi i Veliajt nuk është çështje partiake
n.fPërditësimi i fundit 26 Shkurt 2025, 13:10
TIRANË- Anëtari i Këshillit Bashkiak PD, Dorian Teliti në konferencën e zhvilluar me këshilltarët bashkiakë të opozitës u shpreh se shkarkimi i kryebashkiakut Erion Veliaj është vonuar. Teliti u shpreh se sa kohë Veliaj ishte në krye të punëve, janë vjedhur e shpërdoruar miliona euro. Sipas tij përveç kërkesën për mocion sot Këshilli Bashkiak duhet të ngrejë Komisionin e Brendshëm të kontrollit financiar që është detyrim ligjor dhe i rregullores së vetë Këshillit Bashkiak.
Ai tha se Komision është ngritur që në vitin 2023, por gjithmonë është refuzuar me forcë nga Veliaj dhe Këshilltarët e majtë. Sipas tij fakti që ai sot është i arrestuar është një provë e pakundështueshme dhe një provë e ngritjes së këtij komisioni.
"Është për tu vlerësuar fakti që Veliaj sot nuk është më në krye të bashkisë së Tiranës, por largimi i tij është i vonuar. Çdo ditë që ai ka qenë në krye të punëve, janë vjedhur miliona euro e shpërdoruar e përveç kërkesën për mocion sot, Këshilli Bashkiak duhet të bëjë dhe diçka tjetër, të ngrejë Komisionin e Brendshëm të kontrollit financiar që është detyrim ligjor dhe i rregullores së vetë Këshillit Bashkiak.
Komision i cili është ngritur që ne vitin 2023, por gjithmonë është refuzuar me forcë nga Veliaj dhe Këshilltarët e majtë. Fakti që ai sot është i arrestuar është një provë e pakundështueshme dhe një provë e ngritjes së këtij komisioni. Këshilltarët socialistë nuk e kanë më kryetarin që t’i urdhërojë e këta të mos sillen më si ushtarët e tij, por si ushtarë të Tiranës e qytetarëve, që ngrihen në mëngjes e ngrysen në darkë për qytetarët që kanë 1000 probleme", tha Teliti.
Anëtarja e këshillit bashkiak të Tiranës nga PD, Ilda Zhulali gjatë fjalës së saj i bëri thirrje çdo këshilltar bashkiak të luftojë korrupsionin dhe të çrrënjosim këtë model qeverisës, sepse Tirana meriton më shumë. Ajo theksoi se shkarkimi i Erion Veliaj nuk është një çështje partiake, por detyrim qytetar dhe përgjiegjësi politike, morale e çdo këshilltari bashkiak të Tiranës. Zhulali shtoi se Erion Veliaj ka kryer korrupsion madhor dhe ka bërë shpërdorimin e detyrës.
“Do të përfitoja nga ky rast për t’i bërë një thirrje publike të gjithë anëtarëve të këshillit bashkiak të Tiranës. Ne e morëm nismën si PD, si grup këshilltar i PD kemi pasur mbështetje edhe nga grupi i këshilltarëve të PL. Shkarkimi i Erion Veliaj nuk është një çështje partiake, por detyrim qytetar dhe përgjiegjësi politike, morale e çdo këshilltari bashkiak të Tiranës. Mos të harrojmë që Erion Veliaj, jo vetëm është sot në qeli, ka kryer korrupsion madhor, ka bërë shpërdorimin e detyrës.
Duhet të mos harrojmë që ka 3 detorë të tjerë kryesor të cilët po ashtu janë të arrestuar, shumë të tjerë që janë nën hetim me masa shtrënguese ose jo. Të gjithë piraminda drejtuese e bashkisë Tiranë, është e përfshirë në korrupsion të organizuar. Ky model qeverisje duhet të çrrënjoset Tirana meriton më shumë. Çdo këshilltar bashkiak duhet të luftojë korrupsionin," tha ajo.
