Elisa Spiropali ka reaguar pas zgjedhjeve në Serbi, ku Lista e Studentëve fitoi përballë Alexandar Vuçiç.
Deputetja sociali...
POLITIKE
“Territorialja”/ PS: Të hënën mundësia e fundit! Nëse PD merr pjesë nuk do të ndryshojë përbërja
PiranjatPërditësimi i fundit 29 Janar 2026, 14:56
Partia Socialiste i ka dhënë kohë Partisë Demokratike deri të hënën që të marrin pjesë në Komisionin për Reformën Territoriale.
Sipas informacioneve, Komisioni do të mblidhet të hënën dhe nëse opozita merr pjesë, kërkesa e mazhorancës për të marrë drejtimin dhe shumicën e anëtarëve do të rrëzohet.
Partia Socialiste ka kërkuar ndryshimin e përbërjes së këtij komisioni, për shkak të bojkotit të Partisë Demokratike.
Sipas kërkesës, e cila u shqyrtua sot në Konferencën e Kryetarëve, PS kërkon të marrë shumicën e anëtarëve të komisionit, si edhe drejtimin, po ashtu dhe të shtohet një anëtar më shumë nga radhët e socialistëve.
Gjithashtu, socialistët thonë se nuk duhet të ketë më bashkëdrejtim, por drejtuesi të jetë Arbian Mazniku ndërsa Luçiano Boçi të jetë nënkryetar dhe jo më bashkëkryetar.
Ndërkohë nga ana tjetër, demokratët kanë deklaruar se ata nuk e kanë bojkotuar mbledhjen. Sipas tyre dy datat që ishin përcaktuar për zhvillimin e Komisionit, anëtarët tanë nuk kanë qenë të pranishëm për shkak të angazhimeve të tjera të mëparshme.
Në përfundim, PS i ka dhënë afat PD-së deri të hënën, duke argumentuar se nëse do të marrin pjesë në mbledhje nuk do të ndryshojë përbërja e Komisionit, dhe kërkesa e tyre do të rrëzohet.
