Vala e të nxehtit që ka shkaktuar 1300 viktima në mbarë Europën, ka vënë në pah nevojën urgjente që sistemet...
POLITIKE
‘The Albanian Files’/ Shkullaku: Nuk ka garë, Edi Rama vendos për gjithçka në Shqipëri
PiranjatPërditësimi i fundit 29 Qershor 2026, 22:16
Gjatë debatit në ‘Çim Peka LIVE’, gazetari Armand Shkullaku ka ngritur akuza të forta mbi mënyrën e funksionimit të qeverisjes dhe mungesën e konkurrencës në tregjet publike, duke e lidhur debatin edhe me librin ‘The Albanian Files’.
Sipas Shkullakut, vendimmarrja për punët publike është përqendruar në duart Edi Ramës, duke eliminuar garën dhe konkurrencën reale.
Ai theksoi se praktika e përzgjedhjes së studiove të huaja të arkitekturës në projekte të rëndësishme publike nuk shoqërohet me transparencë dhe konkurrencë të hapur, ndërsa ngriti pikëpyetje mbi mënyrën e funksionimit të institucioneve dhe rolit të tyre në vendimmarrje.
‘Për një pjesë të shoqërisë nuk është shqetësim që këtu punët t'i ndajë një njeri i vetëm. Pra, që s'ka garë, që s'ka konkurrencë, që detyrohen biznesmenët të paguajnë këto kompanitë e huaja. Pra, kjo nuk është shqetësim. Pra, për ty dhe për shumë të tjerë është normale që Edi Rama ngrihet në mëngjes dhe thotë 'këtë po ia jap një holandezi', 'këtë po ia jap një danezi', 'o Çim Fusha, Teatrin do e bësh me këtë.
Për çfarë e merr në emision? Se ky thotë e vendosin të tjerët, thotë gjykata, SPAK. Atëherë ne jemi kot këtu, se ne s'bëjmë dot emision. Le të ndalemi te institucionet.
Në qoftë se ka një gjë në debat, që unë e kam shumë bezdi, është perfiditeti në argument. Çështjen që s'po punojnë studiot shqiptare e çova në fund. Kush studio shqiptare ka projektuar një kullë në Shqipëri apo hotel me 5 yje?
Ato nuk janë sekret, por asnjëra prej studiove shqiptare nuk ka hyrë kurrë në garë që kur këtë vend e qeveris Edi Rama. Nuk kanë marrë pjesë, punojnë si nënkontraktorë patjetër, pra e fiton një studio e madhe dhe të punëson ty si qirak të ta bësh këtë punë. Po nuk ishte thelbi i debatit, unë ta thashë këtë gjë, prandaj thashë është perfiditet në debat...
Kush është thelbi? Që një njeri që ka këtë shqetësim, që punët t'i bëjnë me më të mirët në ndërtim. Pse nuk e ka dhe te shëndetësia, dhe te inceneratorët, dhe te tenderat e rrugëve? Pse ua jep gjithmonë kompanive që ose i prishin rrugët siç Qafë Plloça, ose i shembin, ose i vjedhin dhe nuk ndërtohet incenerator fare? Ose i dështojnë.
Qeverisja ka një model dhe një filozofi. O do bësh garë dhe do i ftosh të gjithë, o do vendosësh vetë, do vjedhësh. Kaq. Ky është thelbi i diskutimit.
Te ‘Albanian Fights’, prandaj po e ngremë shqetësimin. Jo sepse Rama ka shokë Vini Masin, ne po e ngremë shqetësimin sepse doli hapur, diçka që normalisht duhet mbajtur e fshehur sepse është turp. Ai ka për nder që thotë që unë jam i vetmi në botë që kam vjedhur lekë për inceneratorë e s'kam bërë incenerator fare.
Ne po themi që në një vend normal nuk mundet një njeri i vetëm të ndajë punën, nuk ka garë, s'ka transparencë, s'ka konkurrencë, s'ka pjesëmarrje’, theksoi Armand Shkullaku në SYRI TV.
