Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Çdo gjë që ndodh rreth e qark nesh, drejtëpërdrejtë nga kryeqyteti. Revista ditore e ndodhive brenda dhe jashtë vendit vj...
POLITIKE
"Thirrje partive politike të krijojnë sistem me turne, s’tolerojmë më ndërprerjen e procesit"/ Vonesa në numërimin e votës së diasporës, Celibashi: Komisionerët janë të lodhur, ka njerëz që kanë 48 orë këtu
e. dPërditësimi i fundit 12 Maj 2025, 19:49
TIRANË- Kreu i Komisionit Qendror të Zgjedhjeve, Ilirjan Celibashi, ka mbajtur një konferencë për shtyp nga ambientet e Parkut Olimpik të Tiranës, ku vijon procesi i numërimit të votave, përfshirë edhe ato të diasporës. I pyetur mbi ritmet e ngadalta të numërimit të fletëve të votimit nga jashtë vendit, Celibashi theksoi se procesi po vonohet për shkak të ngarkesës së lartë administrative dhe lodhjes së komisionerëve.
Ai shtoi se ngadalësimi i ritmit lidhet edhe me faktin se ky është një proces i ri për pjesën më të madhe të komisionerëve. Gjithashtu Celibashi u bëri thirrje partive politike të angazhuara në proces që të rinovojnë përbërjen e ekipeve të tyre të numërimit, për të shmangur lodhjen dhe për të garantuar efiçencë në vijimësinë e procesit.
Celibashi: Procesi po merr shumë kohë për të numëruar dhe vlerësuar fletët e votimit nga jashtë, për shkak të ngarkesës së madhe në përpunimin e dokumentacionit përkatës. Dje humbëm mjaft kohë për shkak të debateve për fletët e votimit nga jashtë. Ritmet janë të ulëta jo për mungesë dëshire, por për shkak të performancës. Janë të lodhur, disa janë që prej 48 orësh non stop në këto ambiente. I bëj thirrje partive politike të organizohen dhe të krijojnë sistem me turne për të ndryshuar grupet e numërimit pasi nuk do të lejohet ndërprerja e procesit të numërimit.
