Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
POLITIKE
"U dha përgjigja më e fuqishme atyre që donin një Shqipëri pa opozitë", Berisha: Falenderoj DASH për qëndrimet kundër vendimeve të ekstremit të majtë!
r.llPërditësimi i fundit 8 Maj 2025, 14:59
sali berisha
TIRANË- Kryetari i Partisë Demokratike, Sali Berisha ka folur në konferencën e sotme për mediat lidhur me qëndrimin e Departamentit Amerikan të Shtetit, për udhëtimet e tij drejt SHBA-së. Berisha e cilësoi këtë si përgjigja më e fuqishme për kryeministrin Edi Rama, Xhorxh Sorosin dhe ish-sekretarin amerikan, Atony Blinken, të cilët sipas tij u përpoqën për një Shqipëri pa opozitë.
Kreu i PD-së u shpreh më tej se falënderon DASH, sekretarin Marco Rubio, administratën e re dhe presidentin Trump për "qëndrimet jashtë zakonisht të rëndësishme, kundër vendimeve të ekstremit të majtë". Berisha tha gjithashtu se ky vendim i DASH ishte po ashtu një shpërblim i madh për të gjithë ata demokrate e demokratë që besuan atë që e cilësoi si "kauzë e drejtë dhe e vërtetë".
"Lajm rajonal i Shqipërisë, por dhe në botë, është lajmi në të cilin DASH i SHBA-së i drejtuar nga sekretari i Shtetit, Marco Rubio, shpreh qëndrimin e tij në përgjigjen e dhënë një gazetari të njohur, se ai nuk përkrah dhe nuk mbështet vendimet politike, apo qëndrimet politiziuese të administratës së Biden, në këtë rast për Sali Berishën. Në këtë mënyrë DASH jep përgjigjen më të fuqishme atyre përpjekjeve që u bënë për një Shqipëri pa opozitë nga Edi Rama në mendësinë e etërve të tij, Xhorxh Soros dhe Antoni Blinken.
Ky vendim i një rëndësie të madhe, shkëputjes dhe mospranimit të vendimeve politizues, përpjekjeve të administratës së mëparshme që për shkak të lobimit korruptiv të Edi Ramës dhe Sorosit, të ndëshkonin opozitën konservatore, përfunduan njëlloj si ai firmosi, aty ku e kanë vendin. Me këtë rast, unë falënderoj DASH, sekretarin Rubio, administratën e re dhe presidentin Trump për këto qëndrime jashtë zakonisht të rëndësishme, kundër vendimeve të ekstremit të majtë, kundër vendimeve të ekstremit të majtë, kundër vendimeve të forcave antidemokratike, të majta në Shqipëri dhe kudo në botë.
Ky vendim është gjithashtu një shpërblim i madh për të gjithë ata demokrate e demokratë që në kushtet më të pazakonte qëndruan për kauzën e drejtë, qëndruan për të vërtetën, e cila vonon, por nuk harron. Ky vendim nxjerr edhe njëherë para shqiptarëve dhe botës, fytyrën e shëmtuar të atyre që morën përsipër një akt të tillë, që vendimet politike të godisnin opozitën konservator në Shqipëri.", tha Berisha.
