Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
U thelluan me çështjen "Beleri", Komisioni Evropian: Mosmarrëveshjet mes Shqipërisë dhe Greqisë nuk duhet të pengojnë anëtarësimin
r.llPërditësimi i fundit 8 Maj 2024, 11:42
foto ilustruese
BRUKSEL- Komisioni Evropian shpreson se Maqedonia e Veriut do të fillojë bisedimet e anëtarësimit me BE-në sa më shpejt të jetë e mundur dhe, duke iu referuar mosmarrëveshjeve dypalëshe midis Maqedonisë së Veriut dhe Bullgarisë, si dhe Shqipërisë dhe Greqisë. KE përsëriti qëndrimin e tij se mosmarrëveshjet dypalëshe nuk duhet të vonojnë procesin e anëtarësimit.
Zëdhënësja e Komisionit, Ana Pisonero i ritheksoi këto qëndrime të Komisionit në një konferencë për shtyp të martën, kur u pyet, në mënyrë të zhdrejtë, për burgosjen e kryebashkiakut të zgjedhur të Himarës, Fredi Beleri dhe nëse Komisioni e sheh atë si një çështje rreptësisht dypalëshe apo që duhet të shqetësojë edhe BE-në.
Pisonero nuk pranoi të komentojë për çështjen Beleri, duke thënë se Komisioni nuk komenton çështjet gjyqësore në pritje, por po e ndjek këtë çështje.
Ndërkohë, ministri i Jashtëm grek, Giorgos Gerapetritis po i kërkon Bashkimit Evropian që të dëgjojë shqetësimin për rastin e kryebashkiakun e zgjedhur të Himarës, Fredi Belerit, i cili është i dënuar me dy vjet burgim për blerje votash. Sipas ministrit kjo çështje duhet të shqetësojë të gjithë Evropën.
Gerapetritis e ka theksuar rastin si një provë për respektimin e standardeve demokratike evropiane nga Shqipëria, veçanërisht teksa kërkon anëtarësimin në BE. Situata ka ngritur pikëpyetje për shtetin e së drejtës në rajon, ku ministri i Jashtëm grek ka kërkuar që kjo çështje të trajtohet në forumet ndërkombëtare.
“Kjo nuk është një [çështje] dypalëshe,” tha ministri i jashtëm. “Nëse një vend kandidat që aspiron të anëtarësohet në Bashkimin Evropian, respekton parimet e shtetit ligjor dhe respekton të drejtat politike të qytetarëve të tij, nuk është dypalëshe. Është një çështje evropiane dhe ne duhet ta perceptojmë si të tillë dhe ta nxjerrim në pah në të gjitha forumet”, tha ai për radion SKAI.
Fredi Beleri është më 12 maj të 2023, dy ditë para zgjedhjeve, pasi akuzohet se ka blerë vota në këmbim të parave. Ndërkohë Gjykata e Posaçme për Korrupsionin dhe Krimin e Organizuar vendosi më 5 mars që ta shpallë fajtor për korrupsion aktiv në zgjedhje dhe e dënoi me 2 vjet burg. Beleri ka bërë vazhdimisht rekurs për tju lejuar betimi si kryebashkiak por gjykata ja ka rrëzuar kërkesat e bëra. Ai i ka konsideruar vendimin për të si të motivuar politikisht. Kjo çështje ka përshkallëzuar tensionet mes dy vendeve fqinje, ku Greqia kërcënon të bllokojë bisedimet për integrimin e Shqipërisë në BE.
