Prokuroria e Tiranës ka regjistruar vetëm tre procedime penale lidhur me dëmtimet e shkaktuara protestuesve gjatë javës së fundit,...
POLITIKE
“Unë pa gruan jam ndërtim pa leje”, Rama batuta në Lezhë: Na ishin mërzitur pse u thashë burrave çyrykë!
PiranjatPërditësimi i fundit 18 Prill 2025, 17:12
LEZHË- Kryeministri Edi Rama, nuk i ka kursyer batutat gjatë takimit me gratë në Lezhë. Gjatë fjalës së tij Rama tha se janë mërzitur një pjesë e burrave pse i ka quajtur “çyrykë”, ndërsa shtoi se e ka vetëm me ata burra që hidhen me kokë në kënetë. Kryeministri me batuta theksoi se PS ka mbështetjen më të madhe të grave dhe vajzave dhe të të rinjve dhe do t’i mjaftonin vetëm gjysma e burrave për të fituar.
“Janë mërzit si u thotë Rama gjysmat e burrave janë çyryk, mbase janë më shumë, por unë them gjysmat. Nëse S’do ishin çyrykë e di ku ishte Shqipëria sot? Se burrat e kanë pas në dorë për një kohë shumë të gjatë. A është normal një burrë që shkon dhe hidhet në kënetë me kokë? Kush thotë se nuk është çyryk, duket të deklarojë se nuk është me kënetën por me BE.
Nëse thotë që jam me kënetën e ka thënë me fjalët e veta që është çyryk. Tani do t’u vijë keq? Ç’a të them unë. Këta nuk e pranojnë humorin, janë një gjendje të të marrin me libër shpie, dhe u duket një gjë normale, po t’ua kthesh me të njëjtën mënyrë nuk është se u bën shumë përshtypje, por po të bësh humor me ta çmenden. Kështu ua dhashë recetën sesi ta diagnostikoni nëse është çyryk apo jo. Këta as nuk e pranojnë. Unë e pranoj, unë pa gruan time jam ndërtim pa leje”, tha Rama.
