Një shpërthim me lëndë të dyshuar plasëse është regjistruar në orët e para të mëngjesit të so...
POLITIKE
VanHorn: Kur njerëzit mendojnë kundër korrupsionit, mendojnë SPAK! Kjo është një gjë e mirë, tregon ndikimin që ka
n.fPërditësimi i fundit 9 Dhjetor 2024, 19:40
Foto ilustruese
TIRANË- E Ngarkuara me Punë e Shteteve të Bashkuara të Amerikës në Tiranë, Nancy VanHorn ka reaguar ditën e sotme në Ditën Ndërkombëtare kundër Korrupsionit. VanHorn gjatë fjalës së saj shprehu mbështetjen e saj për punën e SPAK dhe kreut, Altin Dumani. Ajo u shpreh se lufta kundër korrupsionit kërkon vërtët një transformim në qasjen dhe mentalitetin e dikujt.
Sipas saj kur njerëzit mendojnë kundër korrupsionin, mendojnë SPAK-un. VanHorn theksoi se kjo tregon ndikimin që SPAK-u ka pasur, ndaj kjo është një gjë e mirë. Ajo shtoi se Dumani ishte personi i parë që tha se SPAK-u nuk vepron i vetëm.
“Lufta kundër korrupsionit kërkon vërtët një transformim në qasjen dhe mentalitetin e dikujt…Një gjë që më është bërë e qartë është se kur njerëzit mendojnë kundër korrupsionin, mendojnë SPAK-un. Kjo tregon ndikimin që SPAK-u ka pasur, ndaj kjo është një gjë e mirë. Por mendoj se zoti Dumani do të ishte personi i parë që do të thoshte se SPAK-u nuk vepron i vetëm. Çdo sukses që ata kanë në hetimin dhe ndjekjen penale të rasteve është për shkak të të gjithë të tjerëve në peizazhin e drejtësisë,” tha ajo.
VanHorn mori pjesë në lançimin e projektit “Integrity Chronicles” të diplomuar në IVLP, të Irena Xhafa, së cilës iu bashkua edhe Ministrja për Anti-Korrupsion dhe Administratën Publike, Adea Pirdeni. Projekti, i nisur në Ditën Ndërkombëtare Kundër Korrupsionit, mbështetet nga Çmimi i Impact IVLP i Departamentit Amerikan të Shtetit në partneritet me Ministrinë e Shtetit për Anti-Korrupsionin dhe Administratën Publike.
