Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Veliaj me telefon në burg? Gazetarja: Ka dhënë një listë numrash të personave që do të telefonohen, ata përcjellin mesazhet e tij
M.B.Përditësimi i fundit 18 Shkurt 2025, 11:41
DURRËS- Gazetarja Anila Hoxha ka zbuluar detaje në lidhje me çështjen ndaj kryebashkiakut të Tiranës Erion Veliajt. Teksa ka folur në ‘Breaking’ në Top News, gazetarja tha se Veliaj vijon të qëndrojë i vetëm ende në qeli në burgun e Durrësit. Ajo shtoi se çdo i burgosur apo i paraburgosur, ka dhënë një listë numrash të personave që do të telefonohen dhe se Veliaj telefonon nga numri i paraburgimit për të përcjellë reagimet e tij.
“Përpos hetimit financiar, ka edhe një hetim administrativ nga Policia e Shtetit që i është kërkuar nga Gjykata plani i masave për dy tubime nga mbështetësit e Sali Berishës nga njëra anë, dhe po ashtu pse nuk ka pasur plan masash për tubimin nga mbështetësit e Erion Veliajt.
Veliaj vijon të qëndrojë i vetëm në qeli në burgun e Durrësit. Një ditë më parë ai është takuar nga vëllai i tij. Ndërkohë kam kërkuar dhe një përgjigje zyrtare nga Drejtoria e Burgut se ku e gjen telefonin për të bërë ato postime në rrjetet sociale, por më është thënë që si çdo i burgosur apo i paraburgosur, ka dhënë një listë numrash të personave që do të telefonohen. Ata i telefonon nga numri i paraburgimit, dhe siç duket ata përcjellin mesazhet e tij”, tha ajo.
