Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Veliaj po përdor një gjuhë fyese për SPAK-un dhe mediat", Xama: Po i bën vetes gjyq publik duke shkruar çdo ditë në Facebook
r.llPërditësimi i fundit 20 Shkurt 2025, 22:08
xoxa, xama, veliaj
TIRANË- Gazetarja Ola Xama u shpreh ditën e sotme se kryebashkiaku i Tiranës, Erion Veliaj po përdor një gjuhë fyese për Prokurorinë e Posaçme dhe mediat. Sipas saj Veliaj po ia bën gjyqin publik vetes pasi shkruan në Facebook çdo ditë lidhur me hetimin ndaj tij.
E ftuar në studion e emisionit “Të Paekspozuarit” në MCN TV, Xama ka zbuluar po ashtu një mesazh itë dërguar nga bashkëshortja e Erion Veliajt, Ajola Xoxa, që rrëzon alibinë e kryebashkiakut të Tiranës për vilën në Qerret. Që prej arrestimit, Veliaj ka mohuar se kishte vilë në Golem, duke sulmuar SPAK-un për fabrikim të dhënash.
“Veliaj është duke përdorur një gjuhë fyese për SPAK-un dhe mediat. Veliaj po i bën gjyqin publik vetes sepse shkruan në Facebook çdo ditë. Zotit Veliaj gjyqin nuk po ia bën kush, por po ia bën vetes.
Për vilën në Qerret tha nuk është e imja, duke e lidhur se ka qenë në fushatë në Kavajë dhe Rrogozhinë. SPAK ka marrë të dhënat nga antenat celulare, ka gjetur sende personale të Veliajt, ka pyetur dëshmitarë, dhe ka rezultuar se Xoxa pranon pronësinë e vilës, siç thotë edhe në një bisedë me Driant Zenelin.
Punonjësit e Xoxës kanë treguar edhe bisedat me të ku ajo thoshte se ajo kalonte fundjavat. Ka një mesazh që Xoxa ia ka dërguar shoferit që “Eri ka harruar çelësin te vila dhe duhet t’ia japë dikush”. Ka të dhëna dhe fatura nga Tatimet se pagesat janë bërë nga Erion Veliaj”, tha Xama.
