VIDEO/ Veliaj përhap audion e gjyqit në GJKKO, por fjala ndyrësirë nuk ekziston

Veliaj, Dado

TIRANË - Është publikuar audio e dialogut Veliaj-Dado gjatë seancës gjyqësore të mbajtur në Gjykatën e Posaçme, për vlerësimin e masës së sigurisë ndaj kryebashkiakut, bashkëshortes së tij, dhe 6 biznesmenëve të tjerë. 

Në audion e publikuar nga gazeta Tema, dëgjohet se prokurori Dado është përplasur vërtetë verbalisht me Veliajn, por fjala "ndyrësirë" nuk ekziston, ashtu siç pretendoi Veliaj në dialogun e publikuar këtë të hënë nga qelia.

Përplasja e Dados me Veliajn ka vijuar deri në momentin kur prokurori Bano ka tërhequr vëmendjen dhe biseda është ndërprerë.

Olsi Dado: E di se ku shkon ky merret me mua ky! S’ke turp që thua banesën e prokurorit këtu! Thua banesën e prokurorit këtu. Ça është ky kërcënim është ky! Është kërcënim ky, tregon banesën?

Audio e disponueshme mund ta degjoni vetë siç e ka shpërndarë Veliaj:

Burime për Dosja.al bëjnë me dije se audio është dëgjuar me ngadalësim nga stafi drejtues i SPAK dhe GJKKO përpara se të bënin sqarimin se fjala "ndyrësirë" nuk është përdorur nga prokurori Dado gjatë seancës gjyqësore.

Gjykata e Posaçme në reagimi zyrtar hodhi poshtë pretendimet e kryebashkiakut Erion Veliaj për gjuhën që sipas tij është përdorur në seancë gjyqësore. GJKKO tha se varianti i bisedës së publikuar nga Veliaj sot në Facebook nuk është i vërtetë, pasi verifikimi i bërë në sistemin audio, të seancës gjyqësore për marrjen në pyetje të kryebashkiakut Veliaj, nuk rezulton që të jetë përdorur fjala “ndyrësirë” nga ana e prokurorit Ols Dado në asnjë moment.

Pas Gjykatës së Posaçme, edhe SPAK hodhi poshtë pretendimet e kryebashkiakut për gjuhën që sipas tij është përdorur në seancë gjyqësore. Prokuroria e Posaçme publikoi faqen 292 të procesverbalit të skanuar, e firmosur nga sekretarja e GJKKO-së, ku shihet se fjala "Ndyrësirë" nuk është përdorur nga prokurori Ols Dado, ashtu siç pretendoi Veliaj.

erion veliaj olsi dado spak gjkko

erion veliaj