Kreu i grupit të PS-së, Taulant Balla, gjatë një prononcimi për gazetarët pas mbledhjes së Kuvendit ka folur për protest...
POLITIKE
Vihet nën hetim “Kuvendi i Shqipërisë”, merren masa disiplinore ndaj 5 punonjësve të administratës
PiranjatPërditësimi i fundit 28 Tetor 2025, 15:01
Kuvendi i Shqipërisë është përfshirë në një hetim administrativ pas gjetjes së shkeljeve në disa tendera, ku punonjës të Kuvendit nuk kanë respektuar rregullat e prokurimit publik.
Sipas Agjencisë së Prokurimit Publik, procedurat e dy tenderave, një për furnizim dhe një për shërbime, nuk janë zhvilluar në përputhje me ligjin, duke krijuar dyshime për paracaktim të fituesit.
Hetimi tregon se dokumentacioni ishte i paplotë dhe kritere të veçanta të kualifikimit nuk ishin argumentuar si duhet. APP-ja ka propozuar marrjen e masave disiplinore ndaj pesë punonjësve të Kuvendit, të cilët janë identifikuar si përgjegjës për shkeljet, ndërsa vendimi final mbetet tek drejtuesi aktual i Kuvendit, Niko Peleshi. Hetimi lidhet me kohën kur Kuvendi drejtohej nga Elisa Spiropali, aktualisht Ministre e Jashtme. Shkeljet lidhen me menaxhimin e tenderave gjatë periudhës së saj. Punonjësit e përfshirë janë ende në detyrë, ndërsa Peleshi duhet të vendosë nëse do të ndërmarrë masa disiplinore ose do t’i referojë çështjet në SPAK apo Prokurorinë e Tiranës. Rasti ngre shqetësime për transparencën dhe zbatimin e ligjit brenda vetë institucioneve më të larta shtetërore.
Kur vetë organet që hartojnë ligjet nuk i zbatojnë ato, rritet rreziku i abuzimeve dhe krijohet precedent negativ për institucionet e tjera. Publikimi i rezultateve të hetimit ndodh ndërsa debati mbi menaxhimin e fondeve dhe pagat e këshilltarëve në Kuvend, përfshirë listën e gjatë të pagave të larta që lidhen me kohën e Spiropalit, është intensifikuar në media
