Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Vota e Diasporës/ 36% e kërkesave të emigrantëve për votim janë refuzuar, kryesojnë zgjedhësit nga Italia
b.zPërditësimi i fundit 5 Shkurt 2025, 07:33
Foto ilustruese
TIRANË - Për herë të parë në zgjedhjet parlamentare që do të mbahen më 11 maj 2025 do të votojnë edhe emigrantët. Regjistrimet e tyre kanë nisur më 11 janar të këtij viti dhe përfundojnë më 4 mars.
Regjistrimi i votuesve nga jashtë po kryhet nëpërmjet Platformës Elektronike të Regjistrimit (PER) që administrohet nga Komisioni Qendror i Zgjedhjeve.
Sipas të dhënave të publikuara nga Komisioni Qendror i Zgjedhjeve (KQZ) deri më 4 Shkurt 2025 rezultojnë se janë plotësuar në total 141,435 kërkesa për regjistrime në zgjedhje. Nga totali i kërkesave të plotësuara 69% e tyre janë miratuar. Numri i kërkesave të miratuara arrin në 87,596.
Kërkesat e miratuara kryesohen nga emigrantët e Italisë me 33% të totalit të kërkesave të miratuara. E ndjekur nga emigrantët që jetojnë në shtetin e Greqisë me 25% të kërkesave për miratim, Gjermania 13%, SHBA 10%, Anglia 8% etj.
Ndërsa rreth 36% e kërkesave janë refuzuar, ku sipas KQZ, këtu përfshihen edhe rastet kur një zgjedhësi aplikimi i është refuzuar më shumë se një herë.
46% e kërkesave të refuzuara janë nga zgjedhësit emigrantë që jetojnë në Itali. 27% e tyre janë në Greqi si kërkesa të refuzuara, rreth 12% në Gjermani, SHBA janë 3,5% dhe 3,2% në Angli.
Totali i kërkesave sipas shteteve, grupmoshës dhe qarqeve
Nga totali i kërkesave të regjistruara (përfshirë edhe ato të refuzuara) sipas të dhënave në KQZ rezulton se numri më i madh i emigrantëve që kërkojnë të marrin pjesë në votime është përqendruar në Itali. Në këtë shtet janë regjistruar 53,419 kërkesa apo 38% e totalit. E ndjekur nga Greqia me 27% e tyre, Gjermania (12%), SHBA (7%), Angli (6%) etj.
28% e totalit të kërkesave dominohen nga zgjedhës së grupmoshës nga 26 deri 35 vjeç. Grupmosha nga 36 deri 45 vjeç përbën 27% të tyre, grupmosha 46 deri 55% zë 19% të totalit të kërkesave. Mbi 56 vjeç zë 16% dhe grupmosha nga 18 deri 25 vjeç zë 10%.
Shpërndarja e totalit të kërkesave për regjistrim është në qarkun e Tiranës 19%, e ndjekur nga qarku i Fierit 14%, Korça 11%, Durrësi 8%, Elbasani 8%, Vlora 6%, Berati 6%, Shkodra 4% etj. /Monitor
