Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
POLITIKE
Vota e diasporës, Rama thirrje emigrantëve për t’u regjistruar: Kush dëshiron duhet të nxitojë, shqiptarët e Greqisë dhe Italisë, dëshmitarë të ndryshimit të reputacionit
M.B.Përditësimi i fundit 15 Shkurt 2025, 09:08
TIRANA- Kryeministri Edi Rama u ka bërë thirrje emigrantëve të regjistrohen në zgjedhjet e 11 majit. Gjatë episodit të radhës në podcastin "Flasin" Rama u kërkoi emigrantëve që të mos e lënë regjistrimin për në moment të fundit pasi sistemi mund të mbingarkohet. Ai shtoi se të gjithë duhet të regjistrohen, duke veçuar emigrantët e Greqisë dhe Italisë që sipas tij janë dëshmitarë të ndryshimeve të kanë ndodhur në vend, si edhe të reputacionit për shqiptarët.
"Dua t’u them të gjithëve se data e fundit e regjistrimit është 4 mars, kush dëshiron duhet të nxitojë të regjistrohen dhe mirë është që të regjistrohet gjithsecili, sidomos shqiptarët e Greqisë dhe Italisë janë dëshmitarë të shumë ndryshimeve që kanë ndodhur, por janë dëshmitarë të ndryshimit të reputacionit dhe të ndryshimit të këndit të shikimit, jo të masës kryesore të popullatës, por edhe atyre që deri dje i shikonin si me…
Është e thjesht me platformën e KQZ mjafton të shkohet në Google. Mund të regjistrohen edhe me ata me pasaportë apo ID që mund të kenë dalë jashtë afatit. Votimi është falas, financohet nga shteti. Shpresoj që sa më shumë të marrin pjesë, aq më mirë është. Unë e di që ne shqipot i lëmë gjërat për në moment të fundit, por i lini sepse mund të keni mbingarkesë të sistemit dhe mbeteni pa regjistruar, bëni çmos që të regjistroheni deri më 4 mars", tha Rama.
