Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
''Vrasin kandidatë për presidentë në Ekuador e Paraguai''/ Berisha: Grupet kriminale gjejnë mbështetje në qeverinë e Ramës
PiranjatPërditësimi i fundit 11 Nëntor 2025, 14:13
Kreu i Partisë Demokratike, Sali Berisha, ka nisur sot mbledhjen me kryetarët e degëve të PD-së, duke bërë akuza të rënda ndaj qeverisë dhe drejtuesve të saj.
Gjatë fjalës së tij, Berisha e përshkroi situatën politike në Tiranë si “diktaturë autoritare” dhe hodhi pretendime specifike për përfshirjen e figurave pranë qeverisë në trafik droge dhe pastrim parash por dhe në përfshirje për vrasjen e kandidatëve presidencialë në Ekuador e Paraguai.
Berisha: Vetëm një person, i lidhur me Edi Ramën dhe qeverinë, vetëm në një vit, tregtoi 28 ton kokainë dhe këto nuk janë të dhënat tona, këto janë të dhënat e agjencive ndërkombëtare, dhe ky është Franç Çopja. 17 ton i çoi në Roterdam, 11 ton i çoi në Antverpë. Kjo do të thotë se vetëm me këta të Antverpit, ky mori 3 miliardë euro. Çfarë do të thotë kjo për ne shqiptarët? Për Edi Ramën do të thotë fuqi elektorale, blerje votash, dhunim ligji, dhunim Kushtetute. Për qytetarin e thjeshtë që do të jetojë me nder dhe dinjitet, kjo do të thotë varfëri, mjerim, vrasje, krim. Ky është vetëm një person. Këta, këto para krimi më lehtë se kudo tjetër i sjellin në Shqipëri, dhe jo vetëm në Shqipëri që këta diktojnë rezultatin e zgjedhjeve më shumë se çdo gjë tjetër, por këta kanë filluar të luftojnë për të diktuar rezultatin e zgjedhjeve në Ekuador, Uruguaj, Paraguaj. Këta vrasin kandidatë për presidentë, vrasin zyrtarë, vrasin gjykatës, vrasin prokurorë. E megjithatë këta kanë mburojë qeverinë e Tiranës, tek e cila gjejnë hapësirën më të madhe për të larë paratë e tyre të vrasjeve, krimit dhe drogës. E vërteta, këtu do ndalem në këtë moment, është shumë e hidhur. Pak më e hidhur se ç’po e them. Sepse ky narkoshtet që po rrënon kombin tonë, që nga viti 2014 gjer në vitin 2023 largoi nga Shqipëria vetëm në hapësirën evropiane sipas statistikave të BE, largoi nga Shqipëria 1 milion e 99 mijë shqiptarë.
