Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
POLITIKE
Wisner takim me të rinjtë në shkollën “Holberton”: Po trajnon gjeneratën e ardhshme të profesionistëve të IT
E.DPërditësimi i fundit 11 Qershor 2024, 19:38
TIRANË- I Ngarkuari me Punë i Ambasadës amerikane në Tiranë, David Wisner u takua ditën e djeshme me studentë, ish-studentë dhe drejtues të Shkollës së Shkencave Kompjuterike Holberton për të parë nga afër se si shkolla po trajnon gjeneratën e ardhshme të profesionistëve të IT dhe po kontribuon në ekosistemin e Shqipërisë për zhvillimin e sektorit të Teknologjisë së Informacionit dhe Komunikimit.
Gjithashtu shkolla e trajnimit për edukimin e IT, e themeluar në Silicon Valley, hapi kampusin e saj në Shqipëri dy vjet më parë dhe po pajis të rinjtë shqiptarë me aftësi të kërkuara nga një mjedis biznesi që ndryshon me shpejtësi.
Wisner dëgjoi se studentët e Holberton punësohen plotësisht pas diplomimit, si një shembull i shkëlqyer se si kompanitë amerikane po ndihmojnë në zgjerimin e mundësive të biznesit në Shqipëri, duke mundësuar punë me pagesë më të lartë për të rinjtë shqiptarë dhe duke kontribuar në kthimin e profesionistëve në vend. Ai tha gjithashtu se presim me kënaqësi të punojmë me Holberton dhe kompani të tjera amerikane për të mbështetur tranzicionin ekonomik të Shqipërisë në teknologji.
