Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
Zbulon nëse Alimehmeti do kandidojë për Bashkinë e Tiranës, Berisha: Noka dhe Këlliçi do negociojnë
PiranjatPërditësimi i fundit 26 Shtator 2025, 13:12
Kreu i PD Sali Berisha ka folur gjatë konferencës së sotme për mediat për zgjedhjet e parakohshme që pritet të mbahen në Tiranë.
Berisha u shpreh se ka ngarkuar një grup prej 3 personash që do të negociojnë me parti të tjera të spektrit opozitar, brenda dhe jashtë koalicionit.
Ai zbuloi se ky grup përbëhet nga Flamur Noka, Belind Këlliçi dhe Ilir Alimehmeti, me këtë të fundit që u përfol si kandidati i mundshëm i PD për bashkinë e Tiranës.
Berisha u shpreh se negociatat do të nisin së shpejti me partitë opozitare dhe se pasi të ketë një dakordësi do të diskutohen edhe emrat për kandidatin.
“Unë kam ngarkuar një grup prej 3 personash që do të negociojnë me partitë e tjera për emrat. Do të jetë Flamur Noka, Belind Këllici dhe Ilir Alimehmeti, do të jenë përfaqësuesit tanë. Do negociojnë me partitë e tjera. Më shkon mua të ngarkoj këta dhe nga ana tjetër të them emra? Ata do fillojnë punën, kanë filluar që dje në disa aspekte. Këta 3 persona janë të ngarkuar të negociojnë me të gjitha partitë opozitare, brenda dhe jashtë koalicionit. Pasi të biem dakord për emra, më pas vjen radha e kandidatëve. Puna është në vazhdim. Nuk kam ndërmend të prononcohem për njeri sepse ky është një proces, përndryshe vija këtu dhe tregoja”, tha ai.
