Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
POLITIKE
Zgjedhjet parlamentare në Kosovë/ Reagon policia: Janë evidentuar 6 raste të shkeljes zgjedhore! Procesi i votimit vijoi pa incidente serioze!
b.zPërditësimi i fundit 9 Shkurt 2025, 20:33
Foto ilustruese
KOSOVË - Policia e Kosovës ka dalë me një reagim zyrtar lidhur me procesin zgjedhor në Kosovë, që u mbajt këtë të diel.
Policia bën me dije se janë evidentuar 6 raste të shkeljes zgjedhore prej tyre 4 kanë të bëjnë me “Veprat Penale Kundër të Drejtave të Votimit“ dhe 2 rastet e tjera për “Sulm ndaj personit zyrtar & Kanosje“.
Si rezultat janë shoqëruar në polici 7 persona të dyshuar, ku me autorizim të prokurorit 4 prej tyre janë dërguar në parabugim, ndërsa 3 të tjerët janë liruar në procedurë të rregullt.
Policia sqaron se këto raste nuk kanë ndikuar në mbarëvajtjen e procesit zgjedhor, dhe se ky i fundit ka vijuar i qetë dhe pa incidente serioze.
Njoftimi i Policisë së Kosovë
“Plani operacional i paraparë për mbarëvajtjen e procesit zgjedhor, i cili kishte për qëllim ofrimin e sigurisë, mbajtjen e rendit, qetësisë dhe sigurisë publike në vend para, gjatë dhe pas procesit të zgjedhjeve u realizua me sukses në tërë territorin e Republikës së Kosovës.
Zbatimi i planit policor, bashkëpunimi dhe koordinimi ndërinstitucional ka ndikuar në mënyrë pozitive që i tërë procesi zgjedhor të kalojë i qetë dhe pa ndonjë incident madhor që do të kishte penguar/cenuar procesin zgjedhor, andaj vlerësuar në aspektin e sigurisë, procesi zgjedhor ka kaluar i qetë dhe pa incidente serioze.
Një ndër qëllimet e planit operativo policor, ka qenë inicimi dhe procedimi i çdo vepre penale kundër të drejtës së votimit dhe ndërmarrja e të gjitha masave procedurale/penale ndaj çdokujt që bie ndesh me ligjet e vendit, që sanksionojnë veprimet e kundërligjshme ndaj zgjedhjeve të lira dhe demokratike.
Policia e Kosovës në bashkëpunim dhe koordinim me Prokurorinë e Shtetit, sot ka iniciuar gjashtë (6) raste, prej tyre tri (4) raste të natyrës penale nga kapitulli XVIII i KPRK “Veprat Penale Kundër të Drejtave të Votimit“ dhe dy raste penale “Sulm ndaj personit zyrtar & Kanosje“, me ç ‘rast janë shoqëruar shtatë (7) persona të dyshuar, ku me autorizim të prokurorit katër (4) prej tyre janë dërguar në mbajtje, kurse tre (3) janë liruar në procedurë të rregullt, raste këto të cilat nuk kanë ndikuar në mbarëvajtjen e procesit zgjedhor.
Po ashtu, janë trajtuar edhe disa raste tjera, për të cilat në bashkëpunim dhe koordinim me prokurorët kompetent janë evidentuar si shënime zyrtare.
Vlen të potencohet se Policia e Kosovës ka trajtuar çdo informacion i cili ka pasur të bëjë me procesin zgjedhor, si dhe ka trajtuar edhe raste tjera që nuk ndërlidhen me procesin zgjedhor.
Plani policor vlerësohet se është realizuar me sukses, falë bashkëpunimit ndërinstitucional, falë punës dhe angazhimeve të zyrtarëve policorë si dhe bashkëpunimit dhe kulturës së lartë të treguar nga qytetarët e Republikës së Kosovës”.
