Podcasti i Vëllezërve Veshaj është zhvendosur mbrëmjen e djeshme në bregdetin e Vlorës, ku të ftuar ishin ish-futbollist...
POLITIKE
Zv/Kryeministri i Maqedonisë në parlament: Ilir Meta po mbahet në burg pa asnjë provë, me urdhër të Edi Ramës
PiranjatPërditësimi i fundit 8 Prill 2026, 21:44
Zëvendëskryeministri i Maqedonisë së Veriut, Aleksander Nikoloski, ka reaguar për herë të dytë brenda një periudhe të shkurtër lidhur me mbajtjen në burg të ish-Presidentit të Shqipërisë, Ilir Meta.
Gjatë një deklarate në Parlamentin e Maqedonisë së Veriut, Nikoloski ngriti akuza të forta, duke theksuar se Meta po mbahet në paraburgim pa prova dhe se arrestimi i tij është i motivuar politikisht.
Sipas tij, pas deklaratave të mëparshme për këtë çështje, mediat pro-qeveritare në Shqipëri kanë reaguar në mënyrë të koordinuar kundër tij.
‘Çuditërisht, të gjitha mediat pro-qeveritare në Republikën e Shqipërisë shkruan me të njëjtat teza kundër meje. Pra, keni të njëjtin mendim si ato media,’ u shpreh ai.
Nikoloski renditi tre çështje kryesore që, sipas tij, janë përdorur në reagimet ndaj deklaratave të tij. Së pari, ai hodhi poshtë pretendimet se qëndrimi i tij mund të ndikojë negativisht në marrëdhëniet mes dy vendeve.
Reagimi i Aleksandër Nikoloksit:
Gjëja e parë që dua të them është se pas përgjigjes së pyetjes së fundit parlamentare kur fola për rastin e Ilir Metës, çuditshëm të gjitha mediat pro-qeveritare në Republikën e Shqipërisë shkruan kolumna me të njëjtat teza kundër meje, të cilat sapo i thatë.
Pra, çuditërisht keni të njëjtin mendim si të gjitha mediat pro-qeveritare në Shqipëri.
Në përgjithësi janë tre teza që sapo thatë.
Teza e parë është nëse kjo do të thoshte një prishje të marrëdhënieve me Republikën e Shqipërisë.
Jo, nuk do të thotë, përkundrazi.
Teza e dytë është se SHBA-të dhe Bashkimi Europian ishin pas kësaj.
Pra, SHBA-të dhe Bashkimi Europian urdhëruan rrahjen në mes të autostradës të një ish-Kryeministri, Presidenti, Kryetari të Parlamentit dhe Ministrit të Punëve të Jashtme.
Dhe gjëja e tretë ka të bëjë me një lloj lidhjesh me Hungarinë e kështu me rradhë, por pasi shkoi nën Presidenti i SHBA-së dje në Budapest, shoh që nuk po i tregoni tani.
E keni harruar.
Kjo është gjëja e parë që dua t’ju them.
Gjëja e dytë është se absolutisht marrëdhëniet me Republikën e Shqipërisë janë të mira, të shkëlqyera dhe ishin të tilla, janë të tilla dhe do mbeten të tilla.
Por është për t’u habitur që pas dy ose tre javësh e rihapët pyetjen dhe dua t’ju pyes tani, pra përgjigjuni kësaj pyetjeje:
A është e vërtetë që pasi Kryetari juaj Arbent Aravari u fut në telashe me rastin Gjoka, ai shkoi te Kryeministri i Shqipërisë, Edi Rama, për të kërkuar ndihmë dhe Kryeministri i Shqipërisë Edi Rama, i ka thënë:
Unë mund t’ju ndihmoj, por Ali Ahmeti mund t’ju ndihmojë më shumë se unë.
Dhe kështu ju parkuan në një koalicion me Ali Ahmetin.
Epo, ju tashmë keni mundësinë të përgjigjeni.
Do të doja gjithashtu të lusja, sepse e di që kjo do të raportohet, nëse dikush në Shqipëri ka dicka për të thënë lidhur me atë që po them unë, le ta thotë.
Le të mos u përdorë ju si përfaqësues.
Të kanë dhënë një rol vërtetë të pakëndshëm.
E di që skandali me Gjokën është i madh, por di gjithashtu që ky rol që po të jep është jashtëzakonisht i pakëndshëm.
Miqtë nuk trajtohen kështu.
Dhe gjëja e tretë që dua të them është personale.
Ilir Meta është një mik i imi, kam qenë disa herë në shtëpinë e tij, si në Tiranë ashtu edhe në shtëpinë që ka në bregdet.
Si vetëm ashtu edhe me gruan time dhe kemi qenë miq si familje dhe do të vazhdojmë të jemi miq.
Ai ishte miku im kur ishte në kulmin e pushtetit të tij politik, ai është miku im tani.
Do të pres që ata të të tregojnë se çfarë duhet të më përgjigjesh.
Nëse mund të ndalohet koha në mënyrë që të marrin këshilla se çfarë të më thonë.
Nuk e di!
Ja mirë.
Morët këshilla çfarë të më përgjigjeni, mirë, mirë…
Pra ai ishte miku im edhe kur ishte në kulmin e pushtetit të tij politik, ai është miku im edhe sot, kur ndoshta po përjeton momentet më të vështira në jetën e tij.
Sepse ky është karakteri im.
Unë nuk heq dorë nga njerëzit.
Kolegët e mi nga VMRO DPMNE e dinë shumë mirë këtë.
Ata e dinë se kush janë miqtë e mi, cilat janë pikëpamjet e mia dhe sa kohë i kam mbajtur ato dhe unë kurrë nuk kam hequr dorë nga një mik, ndryshe nga shumë të tjerë që janë këtu.
Kur je në krye, siç janë ata përreth nesh tani, pasi ne jemi qeveria, por ata ikin me problemin e parë.
Unë nuk iki nga miqtë dhe do ta mbështes, sepse e konsideroj të ndershme ta mbështes, sepse ne jemi miq.
Dhe le t’i shërbejë nderit të atyre që urdhëruan që ai të ndalohej në mes të autostradës, të rrihej, siç e rrahën për fat të keq, të arrestohej në atë mënyrë dhe rastësisht aty të ketë kamera, atë ta publikojnë në media.
Po kështu, njëjtë le tu shërbejë nderit të atyre që e mbajnë në paraburgim për dy vjet pa e paditur, pa filluar një gjyq.
Kjo ka ndodhur vetëm në mendësinë e Titos dhe Enver Hoxhës në unison.
Le të jem i ekuilibruar të flas për të dy vendet.
Kam anëtarë të familjes që kanë kaluar gjëra të tilla.
Shpresoj që ai të jetë i lirië së shpejti dhe që të kalojmë kohë si në shtëpinë e tij pranë detit ashtu edhe në shtëpinë time në Ohër.
