Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
SHOWBIZ
2po2 rikthehet fuqishëm/ Albumi i ri “TESTAMENT” publikohet pas 2 vitesh punë
PiranjatPërditësimi i fundit 10 Tetor 2025, 13:01
Pas një pauze të gjatë krijuese, reperi i njohur 2po2 ka konfirmuar se albumi i tij më i ri, i titulluar “TESTAMENT”, është gati për publikim.
Përmes një postimi në Instagram Story, artisti ndau lajmin emocionues me ndjekësit e tij, duke treguar se projekti i shumëpritur do të publikohet brenda këtij muaji.
“U kry albumi. 18 kang, plot fjalë t’shpirtit. 2 vjet punë… ishalla nuk shkon huq,” – shkroi 2po2, duke lënë të kuptohet se ky është një nga projektet më personalë dhe më të punuar të karrierës së tij.
Albumi, që përmban 18 këngë origjinale, është rezultat i një procesi intensiv krijues që ka zgjatur dy vite, çka ka rritur ndjeshëm pritshmëritë e fansave.
Edhe pse reperi nuk ka zbuluar ende bashkëpunimet apo stilin dominues të albumit, postimi i tij ka ndezur menjëherë rrjetet sociale, me fansa që shprehen të paduruar për ta dëgjuar “TESTAMENT”.
Ky projekt pritet të shënojë një rikthim të fuqishëm për 2po2 në skenën muzikore shqiptare dhe të sjellë një reflektim më të thellë të artistit mbi jetën, karrierën dhe rrugëtimin e tij artistik.
Pritjes po i vjen fundi, shumë shpejt “TESTAMENT” do të jetë në çdo platformë muzikore!
