Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
SHOWBIZ
A do jetë Egli Tako moderatorja e “Big Brother VIP Fan Club”?
PiranjatPërditësimi i fundit 12 Dhjetor 2025, 17:28
Pas shumë zhurmash dhe spekulimesh në media, Egli Tako ka vendosur të flasë me ndjekësit e saj. Përmes një mesazhi të gjatë drejtuar fansave, ajo ka sqaruar se nuk do të jetë moderatore e Fan Club-it të Big Brother VIP, pavarësisht komenteve dhe aludimeve që kanë qarkulluar së fundmi.
Egli ka falënderuar fansat për dashurinë, mbështetjen dhe përkushtimin e treguar ndaj saj, duke i quajtur ata një “dhuratë të çmuar në jetën e saj”. Ajo thekson se ndjen detyrimin t’i mbajë të informuar dhe të jetë transparente me ta.
“Dua ta dini se unë personalisht nuk do ta moderoj programin për të cilin jam komentuar muajt e fundit mediatikisht”, shprehet ajo, duke shtuar se nuk ka pasur asnjë garë, asnjë kërkesë apo plan konkret nga ana e saj për këtë rol.
Sipas saj, e gjithë situata ka qenë më shumë një zhurmë mediatike e krijuar nga kërkesat e shumta që kanë ardhur në emrin e saj, për të cilat ajo shprehet mirënjohëse. Në fund të mesazhit, ajo thekson se aktualisht është e fokusuar te vetja dhe rritja personale, duke premtuar se viti që vjen do të jetë i mbushur me projekte të reja në televizion, muzikë dhe biznes.
Ajo e mbyll mesazhin me fjalë dashurie për fansat, duke i falënderuar për mbështetjen e vazhdueshme dhe duke u uruar një fundjavë të bukur.
