Kancelari i Gjermanisë, Friedrich Merz , ka akuzuar partinë e ekstremit të djathtë Alternative für Deutschland (AfD) se kërkon &...
SHOWBIZ
A e ndihmoi Rogerti të fitonte çmimin? Selin i përgjigjet ish-finalistit të Big Brother Vip Albania
PiranjatPërditësimi i fundit 9 Shtator 2026, 17:57
Përplasja mes Selin Bollatit dhe Rogert Tërkajt është rikthyer në vëmendje, pas deklaratave të këtij të fundit se mes tyre kishte pasur një pakt dhe se ai e kishte ndihmuar Selinin të fitonte “Big Brother”. Elton Tozaj ka zbuluar disa nga të rejat e showbizz-it. Befasuese ishte në “Upss” në Radar dhe telefonata me Selin e cila ka thënë se fitoren e ka marrë falë vetes, pa mbështetje apo marrëveshje me askënd.
“Për mua ka mbaruar ‘Big Brother’ shumë kohë më përpara. Të vërtetat edhe transparenca ime, besoj, dhe gjatë kohës së ‘Big Brother’, por edhe jashtë saj, ka qenë 100% me publikun. Këto janë të pavërteta dhe aludime të dala nga vetë personi apo nga njerëz që pretendojnë dhe besojnë të njëjtën gjë. Kështu që jo, fitoren e kam marrë në forcën time, me veten time, pa ndihma dhe pa backup nga askush”, u shpreh Selin Bollati.
Gjatë bisedës, Selin foli edhe për marrëdhënien e saj me Gimbon, duke thënë se vera ka qenë e qetë për të dhe se të dy kanë qenë të angazhuar me punë dhe projekte të ndryshme.
Ajo la gjithashtu të hapur mundësinë e një rikthimi në televizion, duke konfirmuar se publiku mund ta shohë së shpejti në një program të ri, edhe pse nuk dha detaje të plota.
“Publiku është i parapërgatitur që diçka e re po na pret në televizion, por ende edhe pak fare, shumë pak fare mbetet të jetë një sekret i vogël”, tha ajo.
Në fund, Selin u pyet edhe për një linjë veshjesh që kishte shfaqur në Instagram. Ajo sqaroi se nuk ka ende një projekt konkret për një markë të saj, por pranoi se moda është një prej pasioneve të saj.
Ndërkohë, përplasja me Rogertin mbetet një prej temave që pritet të rikthehet sërish në vëmendje, pasi në emision u la e hapur mundësia që edhe ai të ftohet për të dhënë versionin e tij mbi pretendimet.
