Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
SHOWBIZ
Aktori i “Squid Game”, lirohet nga akuzat për sulm seksual
PiranjatPërditësimi i fundit 12 Nëntor 2025, 14:30
Aktori i njohur korean Oh Yeong-su, i cili fitoi famë botërore me rolin e tij në serialin “Squid Game”, është liruar nga akuzat për sulm seksual, pasi një gjykatë më e lartë rrëzoi vendimin e mëparshëm të fajësisë.
Aktori 81-vjeçar ishte shpallur fajtor në vitin 2024 për një incident të ndodhur në vitin 2017 dhe ishte dënuar me tetë muaj burg, me kusht. Megjithatë, Gjykata e Lartë e Suwon-it ka rrëzuar dënimin, duke argumentuar se dëshmia e viktimës mund të jetë ndikuar nga kalimi i kohës.
“Ekziston mundësia që kujtesa e viktimës të jetë shtrembëruar për shkak të hendekut kohor midis ngjarjes dhe dëshmisë,” – thuhet në arsyetimin e gjykatës.
Gjykata shtoi se kishte dyshime mbi vetë ekzistencën e veprës penale, duke theksuar gjithashtu se aktori kishte ndjekur trajnim mbi parandalimin e dhunës, çka u konsiderua një rrethanë lehtësuese.
Ndërkohë, viktima e supozuar reagoi ashpër ndaj vendimit, duke thënë se ai “nuk e fshin dhimbjen dhe as të vërtetën”, ndërsa organizata Womenlink e quajti vendimin “të padrejtë” dhe “një shembull tjetër të fshehjes së dhunës në botën e artit”.
O Yeong-su u akuzua fillimisht në vitin 2022 për një ngjarje të ndodhur pesë vite më parë, gjatë punës për një shfaqje teatrale, ku pretendohej se kishte përqafuar dhe puthur në faqe një grua pa pëlqimin e saj.
Pas lirimit, aktori u shpreh mirënjohës ndaj gjykatës për “vendimin e saj të mençur”. Ende nuk është bërë e ditur nëse prokuroria do ta apelojë çështjen.
